Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
26 сентября, пн

Улан-Батор хоорайга “Азияже эжик” 36-гы делегей делгелгезинче Тываның бараан бүдүрүкчүлерин чалаан.

21 сентября 2022
2

2022 чылдың сентябрь 22-25 хүннеринде Улан-Батор хоорайга Россия Федерациязы биле Моолдуң Садыглажылге төлээ черлериниң “Российжи экспорт төвү” АН-ның деткиишкини-биле Моолдуң Национал салыг-үлетпүр палатазы база найысылалдың удуртулгазы “Улан-Батор кады ажылдажылгазы-2022” улуг делгелге чорудуунуң иштинде “Азияже эжик” 36-гы делегейниң универсалдыг делгелгезин организастап эрттирер.
Делгелгеге киржилгени “Бизнес контакт” биле Сидоров А.А. хуу сайгарлыкчы организастап, делгелгеге аъш-чем үлетпүр барааннары база ачы-дузалары делгеттинерин дыңнаткан. "Мишель Экспо" делгелге комплекизинге ол эрттирер. Хемчегге киржир бараан бүдүрүкчүлери 8-914-959-1011 дугаарлыг телефонче долгааш, харылзажыр.
Бо чылдың июнь 30-ден июль 3-ке чедир “Азияже эжик” деп 35-ки делегейниң универсалдыг делгелге-садыглаашкыны болуп эрткенин сагындыраал. Аңаа Тываны «Сибпродукт» кызыгаарлаттынган харыысалгалыг ниитилел (сүт продукциязы, чуурга, макароннар), «Туран» сыын ажыл-агыйы» Тыва Республиканың күрүнениң унитарлыг бүдүрүлгези (бальзамнар, пантогематоген, оңгача кирерде холуур хоюг чүүлдер), «Вавиол» кызыгаарлаттынган харыысалгалыг ниитилел (эм оъттар продукциязы, тыва ары чигири база хандылар), Иван Шалаевтиң хууда бүдүрүлгези (ине бүрүлүг ыяштардан чыттыг үстер), Вячеслав Сарыгларның хууда бүдүрүлгези (ары чигири, дыт чочагайы), Мерген Шогжалдың эъттен чаагай чемнер бүдүрүлгези, Юрий Нурсаттың сэндвич-панельдерден дүрген бажың тудар бүдүрүлгези, «Сибирьниң аар чүък сөөртүлгези» кызыгаарлаттынган харыысалгалыг ниитилел делегей чергелиг транспорт компания төлээлеп, барааннарын болгаш ачы-дузаларын таныштырганын сагындыраал.
Тываның делегациязы үш хүн ажылдааның түңнелинде, «Сибпродукт» КХН Убсунур аймактың Улаангом хоорайда ийи бүдүрүлгеже аъш-чем продуктуларын сөөртүр чурттар аразының керээзин чарган. База ол ышкаш «ЛСТК Кызыл» компания Моолдуң «Алтанбулаг» хостуг экономиктиг зоназынче эптээр бажыңнар тудар сэндвич-панельдерден материалдарны сөөртүрүн дугурушкан.
ТР-ниң Чазааның парлалга албанының медээзи-биле