Өскүс-оол дугайында тоолга үндезилээн бир дугаар тыва мюзиклди Тываның В.Көк-оол аттыг Национал хөгжүм-шии театрында тургузуп эгелей берген.
Эрткен хонуктарда Национал хөгжүм-шии театрынга К.С. Шойгу аттыг Культура фондузунуң даргазы Ирина Шойгу болгаш чаладып келген Омскунуң күрүне театрының кол режиссеру Александр Лебедев база мюзиклдиң чырык талазы-биле каасталгазын харыылаар чурукчу Мариинск театрындан Алексей Тарасов-биле ужуражылга болган.
Эрткен чылын К.С. Шойгу аттыг Культура фондузу Өскүс-оол дугайында тыва улустуң тоолдарынга үндезилээн бир дугаар тыва мюзикл тургузар грант ёзугаар мөөрейни чарлаан турганын сагындыраалы. Ооң тиилекчилери болган ужуражылгага киришкен.
Бо хүннерде ТР-ниң Культура яамызының деткимчези-биле мюзиклди сценага тургузар ажыл кидин түлүк эгелей берген. Беш композитор, үш дизайнер мюзиклдиң хөгжүм каасталгазы болгаш костюмнарын кылыр ажылды чорудуп турар.
Мюзикл тургузар талазы-биле мергежээн профессионалдар Омскунуң күрүне театрының кол режиссеру Александр Лебедев биле Мариинск театрындан чырык талазы-биле чурукчу Алексей Тарасов ТР-ниң Культура яамызының чалааны ёзугаар бо хүннерде Тывада чедип келген.
Ужуражылга үезинде мюзиклди тургузары-биле чаладып келген режиссер болгаш чырык каастакчызы боттарының дуржулгазын солчуп, чыылганнарның арга-сүмезин дыңнап, мастер-классты база эрттирген.
Тываның культура сайыды Виктор Чигжиттиң дыңнатканы-биле ужуражылганың киржикчилери төөгүлүг мюзиклдиң тургузукчу кезээн бирден бирээ чокка сайгарып чугаалашкан.
К. МОНГУШ.
«Шын» №36 2024 чылдың май 18
![](https://sun9-27.userapi.com/impg/acOdjn_20XG26WxsCOFerssJAKHdLvxnrVhq-w/1A2kTWkXo2c.jpg?size=807x538&quality=95&sign=475d93675bc46ee14e2f3c457816536c&c_uniq_tag=BPfXjClc6EanuyYqT3CDy9c7GH0-WWoM5m1TxePcSbM&type=album)
![](https://sun9-24.userapi.com/impg/x7AqfylrwBeft7kvNnWpCkQWSeQcb3ffXYczgw/GCyysiZXp5w.jpg?size=538x807&quality=95&sign=d7b2cda56c9bcac467cc2a0405d46d59&c_uniq_tag=lVLs7LcZGp_lvHfXr0JZI3wNeXwMDGVseAagCMcojWU&type=album)
![](https://sun9-56.userapi.com/impg/qmDz0erbFxzY3SvTVS-gNTBOw5rEEvK8x8nI8Q/E0zTfZTKG1c.jpg?size=538x807&quality=95&sign=42a1a5b19c71c415dfa01ab310d5b0f5&c_uniq_tag=8qqUZNI56fXtBPNALHhvF8FAYj81emttfFt7Cicq3KI&type=album)
![](https://sun9-7.userapi.com/impg/PvmCLUOGqMBBbNexZ4xs8-9K5B9R0iSzgBMG5A/ny0UZzMAgZU.jpg?size=807x538&quality=95&sign=f372803d35ac769fdbb5c9de1597ebce&c_uniq_tag=ViiCFgbl1ug4yyJcQfT0FPhWYz2KieMkYQ0Z68HlKMI&type=album)
![](https://sun9-67.userapi.com/impg/5bKBaSeau0CzIGMMLnMk3vHKySVbxkCDdaJjPg/VrK2Lkyd-DU.jpg?size=807x538&quality=95&sign=54f5f3756db93dbf5e650bc5513cd386&c_uniq_tag=uHLUqWE7T7KESlYZbtxRlLVdoGHW-3XK-q4C_fOl49M&type=album)
![](https://sun9-79.userapi.com/impg/-YRSgsyGbxUWKKzD7HNFj-KgEml4C8l4S-2Lyw/FEqPrF7cHqg.jpg?size=538x807&quality=95&sign=bd50e8cd9d805c30150119413b79d2ea&c_uniq_tag=sjTJTXqN63ytOj1evkiMxoltJAOyneGxsnpypjRgnYY&type=album)