Хүндүлүг дайынның хоочуннары болгаш тылдың ажылдакчылары!
Хүндүлүг чаңгыс чер чурттугларым!
Ада-чурттуң Улуг дайынынга Тиилелгениң 79 чыл ою-биле Тыва Республиканың Дээди Хуралының (парламентизиниң) депутаттарының мурнундан силерге байыр чедирерин чөпшээреп көрүңер!
Майның 9-у биске чүгле төөгүлүг хүн эвес, а эрес-маадырлыг чоруктуң, чоргааралдың болгаш чаңгыс демниң хүнү. Бо ыдыктыг хүн үелерниң болгаш салгалдарның үзүк чок харылзаазын тургускан. Бөгүнгү байырлалывыс – төрээн чуртувуска бердинген чоруувустуң, аңаа ынакшылывыстың чырык үлегери.
Келир үеде тайбың хүннер дээш бистиң өгбелеривис маадырлыг тулчуп чорааннар. Оларның тура-соруу быжыг, чүткүлү сыныш чок болгаш, дайынга тиилелгени чедип алганнар.
Ада-чурттуң Улуг дайыны чылдан чылче бистен ырап бар чыдар. Ынчалза-даа ооң киржикчилериниң маадырлыг чоруктарын чүректеривисте хумагалыг камнап чоруур бис.
Өгбелеривистиң, а ол ышкаш амгы үеде тускай шериг операцияда киржип турар оолдарывыстың чырык адын мөңгежидери-биле эрттирип турар хөй санныг хемчеглерниң эгелекчилеринге болгаш киржикчилеринге, хоочуннар-биле ажылдап чоруур буян сеткилдиг чаңгыс чер чурттугларывыска өөрүп четтирдивис. Чүнүң-даа мурнунда Улуг Тиилелгевис дээш дайынның хоочуннарынга күдүк базып мөгейип тур бис!
Май 9 – силерге эң кол байырлал деп чүвени билир болгаш, ону эң чоок кижилериңер аразынга байырлыг байдалга эрттирериңерни күзедивис. Чуртувус силерниң маадырлыг чорууңар кажан-даа утпас. Силерге кадыкшылды, өөрүшкүнү болгаш ак-көк дээрни күзедивис!
Тиилелге хүнү-биле!
Хүндүткел-биле, ТР-ниң Дээди Хуралының (парламентизиниң)
Даргазы К. ДАВАА.
«Шын» №34 2024 чылдың май 8
