Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

«УЛУСЧУ КАРТОФЕЛЬ»

3 мая 2023
34

Киржикчилерниң даңзызын тургузуп турар

Тываның муниципалдыг тургузуглары "Улусчу картофель" губернатор төлевилелиниң киржикчилериниң даңзызын тургуспушаан. Херек үрезинни сөөртүп эккээринге белен фермерлер-биле керээлерни чарып турар. Бо хүннерде үш чүс хире өг-бүле күрүне деткимчези кылдыр картофель үрезинин алыр дугайында билдириишкиннерни киирген.

Кемероводан сайгарлыкчы Николай Живодеров-биле керээни чарган. Ол бо хүнге чедир Ак-Довурактың чурттакчыларындан кирген 301 чагыгны хандырар. Тус черниң фермери Александр Желтухин Тере-Хөл биле Чеди-Хөл кожууннарда губернатор төлевилелиниң киржикчилерин картофель үрезини-биле хандырар. Чоокку хүннерге чедир үстүнде кожууннардан тус-тузунда 271 база 55 өг-бүле күрүне деткимчезинче билдириишкинни киирген. Таңды кожуунда – 379, Улуг-Хемде – 1288, Сүт-Хөл- де – 310 өг-бүле үрезинге хереглелдиг.

Республиканың Баштыңы Владислав Ховалыгның даалгазы-биле 2022 чылда «Социал картофель» биле «Картофельди – өг-бүлелерже» деп ийи төлевилелди "Улусчу картофель" губернатор төлевилели кылдыр каттыштырганын сагындыраал. Хөй ажы-төлдүг болгаш эвээш орулгалыг өг-бүлелерни деткиир талазы-биле регионнуң чазааның кризиске удур хемчеглериниң бирээзи ол болган. Регионнуң Күш-ажыл болгаш Көдээ ажыл-агый яамыларының удуртулгазы-биле кожуун болгаш хоорай чагыргалары төлевилелди боттандырып турар.
Төлевилелде доктаатканы ёзугаар бир өг-бүле 25 кг картофель үрезинин база хаптап каан чартык килограмм свекла, морковь, капуста, согуна болгаш өске-даа ногаа культуразының үрезиннерин алыр. А үш болгаш оон хөй ажы-төлдүг өг-бүлелерге 50 кг картофель үрезинин бээр. Огородчулар тарып олурткан 25 кг картофель үрезининден 100 кг хире дүжүттү, а чартык кг хире ногаа үрезининден центнер ажыг ногаа дүжүдүн ажаап алыр ужурлуг.

Эрткен чылын республикада “Улусчу картофель” губернатор төлевилелинге киришкен 7613 өг-бүлеге 226,8 тонна картофель үрезинин үлээн. Олар июньга чедир картошказын тарып олурткан. Чай дургузунда картофельдиң довураан улгаттырып, суггарып турза-даа, агаар-бойдус таарымча чок болганындан дүжүт арай чегей болган. Күзүн 635030 тонна дүжүттү алган, бир өг-бүлеге онааштыр ортумаа-биле – 100 кг картофель.

/ Тываның Чазааның парлалга албаны.

"Шын" №32 2023 чылдың май 3