Сентябрь 9-тан 11-ге дээр Тывада соңгулдалар эртип турар 55 соңгулда участоктары биле 6 девискээр соңгулда участоктарында видеохайгаарал хүнзедир-хондур чоруттунуп, чурагайлыг шыгжамырда видеобижидилге чоруттунуп турар. Херек апарган таварылгаларда видеобижидилгени катап көрүп болур.
Тываның Соңгулда комиссиязының даргазы Орлан Дандарның демдеглээни-биле, участоктар ажыттынган баштайгы хүнден эгелээш-ле, 3 хонук дургузунда видеобижидилге чоруттунар ужурлуг. Видеохайгааралда көстүп турар девискээрже урналар, сейфтер, соңгулда комиссиязының кежигүннери, волонтерлар болгаш хайгааракчылар база кирип турар.
Соңгулда участоктарындан видеобижидилгени Девискээрниң соңгулда комиссиязы, Округтуң соңгулда комиссиязы, истекчилер, прокурорлар болгаш суд алыр эргелиг. Соңгулда хоойлужудулгазының участокта сагыттынып турарын кайы-даа үеде ханыптып болур дээрзин ведомство медеглээн.