Кремльдиң сайтызында байыр чедириишкинин парлаан. Россияның Президентизи өгбелериниң шагдан бээр дамчып келген байлак төөгүлүг, культурлуг, сүлде-сүзүктүг өнчү-хөреңгизин камныг кадагалап чорууру дээш, буддийжи сүзүк-чүдүлгениң төлээлеринге өөрүп четтиргенин илереткен.
Буддийжи организациялар чурттуң хөй-ниити амыдыралынга, ажыктыг өөредилге, ачы-буян төлевилелдеринге идепкейлиг киржип, шажыннар болгаш чоннар аразында харылзааларны эптештиреринге, өг-бүлениң үнелиг чүүлдерин быжыглаарынга, аныяктарны кижизидеринге улуг үлүг-хуузун киирип турарын Владимир Путин демдеглээн. Президент тускай шериг операциязының киржикчилеринге болгаш оларның өг-бүлелеринге буддийжи ниитилелдиң көргүзүп турар боттуг деткимчезин онзалап демдеглээн. Ол ышкаш шажын ниитилелиниң талазындан хүрээлерни болгаш архитектура тураскаалдарын катап тургузарынга, чаа хүрээлер болгаш чырыдыышкын төптерин тударынга улуг үлүг-хуузун чугула чүүл деп демдеглээн.
"Россияда чурттап чоруур болгаш бо бурунгу чүдүлгени сагып чоруур бүгү буддийжилерге чырык байырлалы-биле база катап сеткилимниң ханызындан байыр чедирип тур мен. Силерге быжыг кадыкшылды, чедиишкиннерни, бүгү-ле эң-не эки чүүлдерни күзедим" - деп, Президент чугаалаан.