Тываның Баштыңы Владислав Ховалыг ажыл-агыйжы сургакчылаашкын үезинде ЛУР-нуң Свердловск хоорайның юбилейлиг байырлалынга киржип, тыва чоннуң өмүнээзинден байырын чедирген.
“Бөгүн Енисей Сибирьден келген коллегаларым-биле кады хүндүлүг свердловчуларга Тываның хөй национал чонунуң мурнундан Луганск Улус Республиканың Свердловск хоорайның тургустунганындан бээр 85 чыл ою-биле байырым чедирдим!
Свердловскунуң чуртунга болган бүгү төөгү – Ада-чуртун маадырлыы-биле камгалаан камгалакчыларның эрес-дидим болуушкуннары-дыр. Донбастың чурттакчылары адаларынга, кырган-адаларынга шынчы болуп артканынга, эрес-дидим, туруштуг чоруунга бүгү Россия чоргаарланып турар.
Свердловскунуң төөгүзү дээрге, хөй-хөй ат-алдарлыг шахтёрлар, дагжыларның чайынналчак көргүзүглүг чедиишкиннериниң төөгүлүг болуушкуннары-биле байлак. Силер бөгүн бистиң күчүлүг чуртувустуң кезии-дир силер. Бо дээрге база Тиилелге-дир!
Хүндүлүг өңнүктер! Бо кайгамчыктыг төөгүлүг хүнүңер-биле силерге байырым чедирип тур мен. Силерге тайбыңны, кадыкшылды, аас-кежикче ак орукту болгаш Россияның хөй национал чону-биле деңге чаагай чолду сеткилимниң ханызындан күзеп тур мен”.
Чуруктарны интернеттен алган.
