Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Январь 1-де «өрттенип» каар

11 ноября 2023
22

Школачыларны культура хемчеглеринче хаара тудуп, уран чүүлге чаңчыктырып, сайзырадыры-биле, РФ-тиң Культура яамызы, Чурагайлыг хөгжүлде, Харылзаа болгаш массалыг коммуникация яамызы, “Пушкинниң картазы” төлевилелди ажылдап кылгаш, 2021 чылдың сентябрь айдан эгелеп ажыглалче киирген турган.

Оон бээр 14-тен 22 хар чедир назылыглар музей, театр, филармония дээн ышкаш культура албан черлеринче билеттер садып алыры-биле, баштайгы чылда 3000, ооң соонда 5000 рубль акшалыг банк картазын ап турар апарган. “Күрүне ачы-дузазы” порталга бүрүткедип алгаш, картаны чагыдып алырга, акшаны күрүне шилчидип берип турар. Күрүнениң шилчидип берген акшазын чыл дургузунда культурлуг хемчеглерже билеттер садарынче чарыгдаар. Дараазында чаа чыл үнүп келирге, күрүне ынаар бир чылдың ажыглаар акшазын шилчидер. 23 харлагыже чедир уруглар, оолдар бо картаны ажыглап болур.
Бир эвес бир чыл дургузунда күрүнениң шилчидип берген акшазын төндүр чарыгдаваан болза, чаа үнген чылдың январь 1-де картага турган акша «өрттенип» каар, ажыглаттынмас апаар. Арткан акша ажыглаттынмас болганда, декабрь 31-ге чедир культурлуг хемчеглер биледи садып, төндүр чарыгдааны дээре. А чаа чылдан эгелээш, 5 муң рубль катап кирип келир. Эрги чылдан арткан акша чаа чылче шилчивес.

Амгы үеде Тывада «Пушкин картазы» программада 105 культура албан-черлери коштунган. Оларның 15-и республика, а 90-ы кожуун чергелиг албан-черлери.

ТР-ниң Культура яамызының медеглээни-биле алырга, республикада ниитизи-биле 14-тен 22 харга чедир хамаатыларның саны – 45 014 кижи чурттап турар. Оларның 53,63 хуузу азы 24 143-ү ук программада коштунган.
2023 чылдың январь 1-ден бо хүннерге чедир, 9 ай дургузунда, 128 364 билет саттынган.
Россияның аныяк-өскенинге болгаш ада-иелерге эптиг байдалдарны тургузар дээш, күрүнениң чогаадып кылган программазын ажыглап, ажы-төлүңерни өөртүп, оларның-биле кады культурлуг үнүүшкүннерни планнаарыңарны күзедивис.

Бистиң корр.