Ынакшылдың чалбыыжынга уярап,
Ыяңгылыг ырың менче чашканнап,
Ырак дээрде сылдыстарже аскымнап,
Ышкамналдыр согарыңны канчаайн аан?!
Ыстаан хөрээм изиңнедир оя чип,
Ырма сынчыг девидедип, киискидип,
Ыым келзип, угаан-кудум саргыдып,
Ыржым дүне куттулганың канчаптайн?!
Ынакшылдан аас-кежик бодараар.
Ынакшылдан ава ыры боттаныр.
Ырым, шүлүүм ам-даа сенден куттулзун.
Ынакшы-ла! Ынакшы-ла, мээң чүрээм!
Александр Ондар.
Чурукту интернет четкизинден алган.
"Шын" №56 2024 чылдың июль 27
