Долу эвес мобилизация үезинде массалыг информация чепсектериниң ажылдакчыларын келдиртириниң чурумун тодаргайлаары чугула. Журналистерни ынаар чүгле шериг корреспондентилери кылдыр келдиртирин Россияның Журналистер эвилелиниң даргазы Владимир Соловьев ТАСС-ка дыңнаткан.
“ Бир эвес операторлар, журналистер болгаш техниктиг ажылдакчыларны мобилизацияже келдирти бээр болза, Россияның регионнарында МИЧ-тиң чамдыызының ажылы шуут туруптары магат чок. Ынчангаш мобилизация талазы-биле айтырыгны шиитпирлээрде, таптыг деңзигүүрлээри чугула. Канчаар-даа аажок мобилизацияже келдиртир ужурга таваржып келзе, профессионал журналистерни чүгле шериг корреспондентилери кылдыр келдиртир болза эки”- деп, Владимир Соловьев чугаалаан.
“Чүгле бижип билир кижини танкыга олурткан ажыы чүл? Чамдык черлерде хажыдыышкыннар бары билдингир, ынчалза-даа ол байдалды эде көрүптер дээрзинге идегээр мен. Амгы үеде Чурагай яамызында келдириишкинге таваржып болбас мергежилдер даңзызын тургузуп турар. Ону хайгааралдан салбас бис. Ындыг-даа болза, байдал шынап-ла нарын болуп турар”- деп, ол түңнээн.
РЖЭ-ниң сайтызындан медээ-биле
К.Монгуш белеткээн
#СоюзжурналистовРоссии#ВладимирСоловьев #СоюзжурналистовТувы#ЖурналистыРоссии
