Бөгүн, декабрь 17-де, Улусчу чогаадылга бажыңынга, Тываның Баштыңы Владислав Ховалыг Дээди Хуралынга (парламентизинге) чылдың Айыткалын берген.
Республиканың Баштыңы «Тыва: чаа чүс чылдың эгези, чаа-чаа кыйгылар, чаа-чаа арга-шинектер» деп Айыткалынга регионда социал-экономиктиг байдалга үнелелди берип, 2022 чылда мурнады боттандырар деп санап турары сорулгаларны, республикада ажыл-херектерниң байдалының болгаш иштики политиканың дугайында илеткээн.
