Сентябрь 26-да республиканың эпидемиологтуг байдалын Тываның Кадык камгалал яамызы биле Росхерегхайгааралдың ТР-де эргелели дыңнаткан.
Сөөлгү хонуктарда 26 кижи эттине берген болза, хамчыктан 54 кижиниң аарый бергенин лабораторлуг шинчилелдер-биле бадыткаан.
Кызыл хоорайда – 15, Барыын-Хемчикте – 3, Ак-Довуракта – 4, Чөөн-Хемчикте – 4, Кызыл кожуунда – 12, Мөңгүн-Тайгада – 5, Бии-Хемде – 2, Таңдыда – 2, Тес-Хемде – 3, Тожуда – 3, Эрзинде – 1.
Бичии болгаш элээди назылыг уруглар - 21, а 18-49 харлыг кижилер - 23, 50 хардан өрү назылыглар – 10 кижи.
Кызылдың халдавырлыг аарыглар энелгелеринде 281 кижи эмнедип турар. Оларның 66-зы берге байдалдыг, 17 кижини ИВЛ аппарадында кошкан. Бо хонуктарда 15 кижини эмнелгеге чыттырган. 276 кижи Covid-диагностиканың амбулаторлуг төвүнүң учедунда болгаш эмнедип турар. Хостуг орун фондузу – 340 (оруннуң 17,4 хуузу).
Сөөлгү хонуктарда – 276 кижи Call-төпче долгаан, Covid-19 анализиниң харыызын 242 кижиге смс-чагаа-биле чорудуп берген. Кадык камгалал яамызы 467 ПЦР шинчилелди кылган.
Январь 1-ден тура халдавырлыг чаа ковид аарыындан 11 724 кижиниң аараанын лабораторлуг шинчилелдер-биле бадыткаан. Бо чылдың эгезинден бээр 183 кижиниң Covid-19 аарыының уржуу-биле чок апарганын комиссия тодараткан.
Вакцинация – чаа коронавирустан болгаш өске-даа хамчыктыг аарыглардан, Covid-19-туң нарыыдап, кижиге аар-берге болур байдалдан эң чедиишкинниг камгаланыр арга.
Республикада улуг кижилерниң 80 хуузу, ылавылаарга 165 720 кижи чаа коронавируска удур тарыдар ужурлуг. Вакцинаның 1-ги кезээ-биле 107 452 кижи, а чаңгыс компонентилиг Спутник-лайт вакцина-биле – 16 248 тарыдып алган. Вакцинацияны бүрүнү-биле 82 620 кижи эрткен.
Вакцинаны оочур чок тарыдып алырда, күрүне хандырылгазының порталынга https://www.gosuslugi.ru баш бурунгаар бижидип алыр.
ТР-ниң кадык камгалал яамызы.
Р. ДЕМЧИК белеткээн.
#Кадыккамгалалы #Коронавирус #Эпидбайдал #Тыва #Тува #Шынсолун #Тывадыл #Тывамедээ #Tuva #Shyntuva
