Кижиниң алдар ады бодунуң күш-ажылындан хамааржыр. Бо хүнде бүдүрүлгевисте 150 хире ажылчын бар, оларның сезен хуузу аныяктар бооп турар. Ажылдап эгелээн коллективимниң дөрт дугаар салгалы, оларның кырган-авалары, кырган-ачалары-биле ажылдап чораан кижи мен. Бистиң Чазаавыс улуг деткимчени көргүзүп чор. Чер-черде сайзырал тыва кижилерниң боттарының күжүнден хамааржыр. Сайзырал үстүнден эвес, адаандан өрү хөгжүүр. Суурлар, кожууннар сайзырап турар болза-ла, республика сайзыраар.
Мал-маган кажаа-хораада сыңышпастап турар, одар-белчиирде мал көвүдээнин кижи эскерип көөр. Удуртуп баштап турар кижилеривисти деткип, Тывавыс дээш, ам-даа кызып ажылдаалыңар, ынчангаш Чаа чыл таварыштыр күш-ажылчы кижилерге байыр чедирип тур мен! Кадык-ла чоруңар! – деп, Өшкү-Саар Ооржакка Күш-ажылдың маадыры деп медалын тыпсып турда, ол демдеглээн.
Бистиң корр.
