Тываның Баштыңының Ёлказын шупту муниципалдыг тургузугларга эрттиргенин ТР-ниң Өөредилге яамызы дыңнадып турар.
Чаа чылдың байырлалынга 650 школачы киришкен. Ол дээрге, бо чылдың дургузунда чедиишкиннерлиг, тергиин өөредилгелиг школачылар, спортчулар, олимпиадалар, хөгжүм мөөрейлериниң тиилекчилери, маадырлыг чорук кылган, өскүс болгаш ада-иезиниң азыралы чок арткан, хөй ажы-төлдүг болгаш социал байдалы чегей өг-бүлелерниң уруглары-дыр.
Уруглар Чаа чыл байырлалын четтикпейн манаарлар. Хемчег “Чаа чылды кым оорлаан?” деп көргүзүг-биле эгелээн. Соок-Ирей биле Харжыгаш уруг бүрүзүнге чигирзиг белектерни сөңнээн. Республиканың эң-не тергиин өөредилгелиг, салым-чаяанныг, спорт, уран чүүлге чедиишкиннерлиг он өөреникчиге планшеттерни Тываның Баштыңы Владислав Ховалыгның өмүнээзинден тывыскан.
Бо чылын коронавирус хамчыының уржуундан болгаш шеглел-кызыгаарлашкыннарны кииргени-биле хемчегни онлайн хевирге эрттирген.
ТМГ медээлер.
#ТМГмедээлер #Чаачыл #ТР_ниңөөредилгеяамызы #Тыва #Тува #Шынсолун #Тывадыл #Тывамедээ #Tuva #Shyntuva
