Июль 23-те, 20 шак 50 минут турда ИХЯ-ның Тыва Республикада Күрүнениң автоинспекция эргелелинге Кызылче кирер оруктуң ң дугаар километринде дескинип чоруур орук кезээнге ийи автомашина үскүлешкен дугайында дүвүренчиг медээ келген.
Түңнелинде үш кижи амы-тынындан чарылган. Орук озал-ондааның кандыг байдалга болганын истеп -тывар ажылдар уламчылап турар.
Баш бурунгаар билдингени, “Строй Экспресс” КХН-ге хамааржыр “Shacman” чүък сөөртүр бедик машинаның 31 харлыг Ийме чурттуг чолаачызы автотехниканың тургузар системазы тутпайн барганындан ооң “Хонда Аккорд” деп маркалыг чиик автомашина-биле үскүлежиишкинни кылган. Үскүлежиишкин үезинде чиик машинаның салонунга Сарыг-Септен беш кижи чораан. Оларның аразынга ийи бичии уруг чораан –чеди харлыг, бир харлыг. Орук озал –ондааның түңнелинде ол-ла черге чиик машинаның 25 харлыг чолаачызы, мурнунга олурган пассажир болгаш артынга, оң талазынга олурган чеди харлыг бичии кижи амы-тынындан чарылган. Дүрген дуза чедирер эмчи бригадазы үш пассажир – бичии уруг болгаш ийи херээжен кижини Республика эмнелгезинде эккелген. Бертик-бежел салбырында 32 харлыг пассажир, реанимацияже – 22 харлыг херээен кижи биле бир харлыг чаш кирген. Амгы үеде шуптузу берге байдалда.
https://vk.com/tuvpravda?z=video-53910902_456239168%2F7648beb892fb7209bb%2Fpl_wall_-53910902
Алкотекторнуң көргүзүү-биле чүък сөөртүр машинаның чолаачызының организминде алкоголь бадыткаттынмаан. Чиик авомашинаның чолаачызының кандыг байдалга чорааны, паталогоанатом эмчиниң шинчилгезиниң түңнелинде билдинер.
Июль 23-те, 22 шак 05 минута турда база бир орук озал-ондаа Барын-Хемчик кожуунга болган.
Баш бурунгаар билдингени, Эрги-Барлык суурнуң беш чурттакчызы “Эрги-Барлык - Кызыл-Мажалык” автооруктуң 9 километринге чоруп олурда, 37 харлыг чолаачы машинаны башкарып күш четпейн баргаш, оруктан үндүр тудупкан. Түңнелинде, машина аңдарылган. Ол-ла черге аар кемдээшкиннерден 39, 37, 29 харлыг үш херээжен пассажир амы-тынындан чарылган. Машинаның чолаачызын эмчиниң дүрген дуза чедирер бригадазы эмнелгеже апар чыдырда, орукка чок болган. Барыын- Хемчиктиң эмнелгезинге эккелген 10 харлыг пассажир даңгаар эртен 05 шак 35 минута турда, шыдашпайн барган. Автоавария үезинде машина иштинге чораан пассажирлер болгаш чолаачызы, чаңгызы-даа камгалал ремень шарып албааны билдинген. Күрүнениң автоинспекция ажылдакчыларының хыналдазының түңнелинде, машинаны башкарып чораан кижиде чолаачы шынзылгазы чок болган. Сөөлгү 12 айда 8 удаа эзирик машина башкарып чорааны дээш, ооң туттуруп турганы илерээн.
Болган орук озал-ондаанга хамаарыштыр истелге ажылдары уламчылап турар.
ИХЯ-ның паралага албаны.
#Озал_ондак #ИХЯ #Авария #Тыва #Тува #Тувамедиагрупп #Тывадыл #Тывамедээ #Tuva #Shyntuva
