ТР-ниң Баштыңы Владислав Ховалыг «Медскан» компанияның чиңгине директору Андрей Модестов-биле Кызыл хоорайга хөй профильдиг делегей деңнелдиг медицина төвү ажыдар дугайында дугуржулгага атты салганнар.
Ук төптүң салбырын Тывага ажыдарынга 1 миллиард рубль акша негеттинер. «Медскан» тываның чурттакчы чонунга хөй талалыг эмчи дузазын чедирер. Оон аңгыда, «Медскан» республикага эмчилерни болгаш эмчи сестраларын белеткээр өөредилге программазын база боттандырып болур.
