Тываның иштики херектер сайыды Юрий Поляковтуң демдеглээни-биле алырга, чеди айның түңнелдери-биле бо чылын орук-транспорт озал-ондаа эрткен чылдың бо-ла үезинге көөрде 15 хуу өзүлделиг болган. Назы четпээннер киржилгелиг орук-транспорт озал-ондааның саны 14 хуу көвүдээн. Ооң түңнелинде 9 кижи амы-тынындан чарылган база 47 уруг кемдеп, балыгланган. Өлүм-чидимниг озал-ондак алды муниципалдыг тургузугга бүрүткеттинген: Кызыл хоорайга, Кызыл болгаш Чөөн-Хемчик кожууннарга ийи-ийи таварылга, Тес-Хем, Улуг-Хем, Барыын-Хемчик кожууннарга чаңгыс-чаңгыс таварылга деп, Юрий Поляков илеткээн.
#Аппаратхуралы #ИХЯ #Автоорук #Тыва #Тува #Тувамедиагрупп #Тывадыл #Тывамедээ #Tuva #Shyntuva
