Эргим чаңгыс чер-чурттугларым!
📢Республика хүнү болгаш ТАР-ның тургустунганындан бээр 100 чыл ою-биле силерге байыр чедирип тур мен.
Тыва – бистиң биче Төрээн чуртувус – Азияның төвү, чүрээ. Өгбелеривистиң эрте-бурунгу черинге чоргаарланып, байлак ёзу-чаңчылдарын сагып, төөгүзүн камныг кадагалап чоруур бис! Тываның культуразы бот-тускайлаң онзагай, бистиң агаар-бойдузувус бисти сорук киирип, республиканың аалчыларын магададып турар.
100 чыл оюнда түңнелдерни үндүрүп, планнарны тургузуп, бистиң ажы-төлүвүстүң болгаш уйнуктарывыстың чаагай чоруу, мерген угаанныг чоннуң төлептиг салгалдары, Тыва Республиканың келир үези дээш ажылдап турар бис.
Силерге чедиишкиннерни, тайбыңны, кадыкшылды болгаш чаагай чорукту күзедим.
Россия Федерациязының сенатору Дина ОЮН.
