Декабрь 27-де В.Көк-оол аттыг Национал театрга республиканың шылгараңгай кижилеринге шаңналдар тыпсыр ёзулал байырлыг байдалга эрткен. Аңаа аңгы -аңгы адырның тергииннеринге ТР-ниң Чазак Даргазы Владислав Ховалыг Россияның болгаш Тываның бедик шаңналдарын тывыскан.
"Тывага юбилейлиг чылда дыка хөй чаартылгалар болуп, күзелдерниң, боттаныышкынның чылы болганы-биле онзагай болган деп бодаар мен. Улуг-биче чедиишкиннерге үлүг-хуузун киирген чаңгыс чер-чурттугларывыстың ажылын демдеглеп, бөгүн күрүне шаңналдарын тывыстым" — деп, Тываның Баштыңы Владислав Ховалыг социал четкиде арнында бижээн.
