Уруглар садында чемгерилгени Кызылдыӊ районнар аразында прокуратуразы хынап тургаш, чамдык хажыдыышкыннарны илереткен.
Кызыл кожуунда школа назыны четпээн уругларныӊ өөредилге организацияларында чемгерилге талазы-биле организастыг ажыл-чорудулганы хоойлужудулгага дүүштүр күүседип турар бе дээрзин прокурорлар хынаан.
Шамбалыг ортумак школазы сүүзүннүг, хоолулуг аъш-чем ажыглавайн турары илереттинген. Тодаргайлаарга, аъш-чеминде витаминнер, минералдыг бүдүмелдер – микронутриентилер чок, а чем кылыр өрээлинде бус сордурар, изиг-соок сугну доктаамал дамчыдар система кылдынмаан болган.
Бо факт-барымдаага хамаарыштыр прокуратура өөредилге албан чериниӊ удуртукчузунга негелде бижикти киирген. Прокурорнуӊ тургускан актызын сайгарып көргеш, ооӊ түӊнелинде хажыдыышкыннарны чайлаткан. Хоолулуг, сүүзүннүг аъш чем-биле хандырган, бус сордурар системаны кылган.
Изиг-соок суг дамчыдар чер кылырынга акша-хөреӊгини өөредилге организациязыныӊ тургузукчузу – Кызыл кожууннуӊ чагыргазы үндүрүп бээр ужурлуг.
Бо хажыдыышкынны чайлатпааны-биле холбаштыр прокуратура кожуун чагыргазыныӊ ук ажылды кылбааны хоойлуга дүүшпес деп санаарыныӊ дугайында административтиг негелде билдириишкинни судче киирген. Уруглар садыныӊ аъш-чем кылыр черин изиг-соок суг-биле хандырар чогуур ажылдарны кылырынга акшаландырыышкынны үндүрер хүлээлгени дагзырын дилээн.
Административтиг негелде билдириишкинни суд хандырып берген.
Айыттынган хажыдыышкынны чайладыр ажылдарныӊ чоруттунганын районнар аразында прокуратура хынаар.
Л.Л. Осмоловская
Республика прокурорунуӊ массалыг информация чепсектери
болгаш хөй-ниити-биле кады ажылдажылга адырында
улуг дузалакчызыныӊ хүлээлгезиниӊ күүседикчизи
