Пятницада, декабрь 17-де, Улусчу чогаадылга бажыңынга, Владислав Ховалыг Дээди Хуралынга чылдың Айыткалын бээр. Республика Баштыңы регионда социал-экономиктиг байдалга үнелелди берип, 2022 чылда мурнады боттандырар деп санап турары сорулгаларны айтыр.
Политиктиг партиялар, хөй-ниити болгаш коммерцияга хамаарышпас организациялар, ол ышкаш республиканың активистери келир чылда республика хөгжүлдезинге боттарының санал-оналдарын киирип, Айыткалды хевирлээринге киришкен.
Тываның күүсекчи эрге-чагыргазының удуртукчузу албан-дужаалга Владислав Ховалыгның бирги программа документизи бо болуп турар. Айыткал политиктиг үзел-көрүштен хамаарылга чокка республика чурттакчыларының, хөй-ниити каттыжыышкыннарының болгаш бөлүктерниң айтырыгларынга харыыны бээр ужурлуг деп, ол санап турар.
Тываның Чазааның албан ёзунуң порталынга, республика Баштыңының социал четкилерде арыннарынга, «Тува-24» телеканалдың YouTube-каналынга Айыткалды онлайн чурум-биле дамчыдар.
#Тываныңчазааныңпарлалгаалбаны #Айыткал #Дээдихурал #Тыва #Тува #Шынсолун #Тывадыл #Тывамедээ #Tuva #Shyntuva
