1925 чылдың август 31-де үнүп эгелээн

ИЕ ЧҮРЭЭ МӨҢГЕ ЧЫЛЫГ

ИЕ ЧҮРЭЭ МӨҢГЕ ЧЫЛЫГ
(Элегия)
Ие кижи түрегдели таан берге,
Изиг көс дег, ижин-баар-даа сөгүлгү дег,
Карак чажы холумактыг ыыт чок ыыдан
Кара баарга аарышкы сорбуланыр.
Көвей кыстар аразындан хеймер оглун
Хөөрдүве үдепкештиң, дембээрээнин,
Чараш,  чырык өртемчейниң өңгүр-каазын
Шаразындан көрбес болган 
                       чаштың хинчээн,
Аалындан аъттангаштың, келбейн барган
Алага-ла олчаан барган оолдуң ажыын,
Арагаже дүлнү берген төлдүң аагын,
Алдаг кылгаш, хоругдаткан кенен оглун,
Ажыт кирип, аныяанда аскан эжин –   
Амыдырал көвей чүъгүн катай салгаш,
Аар-чиигин деңзилевейн, «чүдүрерге»,
Аарышкыдан ондаан чүрек «улуп» үнер.
 
Делегейниң дүпчок ырак сылдызындан,
Дөрде чалаан бурганындан, чулазындан,
Дүдүскектиг дагларындан, 
                       аржаан суундан,
Дүргектелип, шапкын аккан саарыгдан –  
Делегейде сенче чүү-ле көрнүр болдур,
Тейлеп, чаннып, халбактанып 
                      ыглаксааң кээр…
 
Амыдырал чаяакчызы ава чүрээ
Ажы-төл дээш соп-ла чоруур – 
                       мөңге  чылыг.
Наталья САЛЧАК.
Тээли

Санал-онал немээри

CAPTCHA на основе изображений
Чурукта айыттынган демдектерни киириңер.