1925 чылдың август 31-де үнүп эгелээн

ПАВЕЛ САГДЫ РОССИЯ ЧЕ5ПИОНУ

Республиканың “Олимп” олим­пийжи курлавырлар спорт шко­лазының сургуулдары Россия болгаш делегей чергелиг хос­туг хүреш, дзюдо, кикбоксинг маргылдааларынга шаңналдыг черлер алыры чаңчыл болган. Бо удаа Россия чергелиг хос­туг хүреш маргылдаазынга база ук школаның сургуулдары шаңналдыг черлерге төлептиг болганнар. 

Июнь 1-3 хүннеринде Мос­ква хоо­рай­да Россияның күш-культура университединге 18 хар чедир элээ­ди оолдар аразынга Россияның хос­туг хүреш маргылдаазы болуп эрткен. Бистиң респуб­ликадан 15 мөге база 2 делегей чергелиг шииткекчилер М. Оор­жак биле М. Са­наа база 6 тренер киришкен. 

Түңнелинде 45 килдиг мөгелер аразынга олимпийжи курлавырлар спорт школазындан Павел Сагды (тренерлери А. Ломбу, А. Чадамба, А. Хомушку) бирги чер дээш дагестан мөге Магомедтагир Ханиевти октааш, чемпион атка төлептиг болган. 

Павел Сагды Эрзин кожуундан. Ол ам июнь 2-8 хүннеринде Хорватияга делегей чемпионадынга киржири-биле белеткенип эгелээн.

Альберт Күжүгет биле Ачылыг Маа­ды 3-кү шаңналдыг черлерге киргеш, Россияның чыынды командазының кежигүннери болган.

Аныяк мөгелерге база тренерлеринге чедиишкиннерни күзедивис.

Алексей ЧАМБАЛ-ООЛ.

Авторнуң тырттырган чуруу.

Рубрика: 

Санал-онал немээри

Image CAPTCHA
Enter the characters shown in the image.