Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

«Ак чем - 2022» сүт байырлалы болуп эртер.

3 августа 2022
5

2022 чылдың август 14-те, “Азия төвү” скульптура төвүнүң девискээринге “Ак чем – 2022” республиканың аъш-чем мөөрейи болуп эртер.

«Наадым – 2022» малчыннар байырлалында эртер мөөрей чалаң сүттен тыва аъш-чем бүдүрер сайгарлыкчы чорукту нептередирин деткиир.

“Эң эки таныштырылга, “Чоннуң жюризи”, “Улусчу ужур-чаңчылдарны арттырганы”, “Амгы технологиялар”, “Каш янзы аъш-чем кылыглары” деп угланыышкыннарга тиилекчилерни илередип, шаңнап-мактаар.

Сүт продукциязын болбаазырадыр бүдүрүлге адырында сайгарлыкчы чорукту сайзырадыры-биле дериг-херекселдер садып алыр кылдыр мөөрейниң дээди шаңналы – 100 муң рубльди тыпсыр.

Мөөрейге сүт продукциязының хуу болгаш юридиктиг көдээ ажыл-агый бүдүрүкчүлери база хөй-ниити чемненилгезинде сайгарлыкчылар киржип болур.

Сүт база сүттен аъш-чем аймаа санитарлыг нормаларга база Россияның болгаш Евразияның стандарттар негелделеринге дүүшкен болуру – мөөрейниң киржикчилеринге кол негелде.

Мөөрейниң киржикчилери боттарының ак чемин база ооң технологтуг картазын таныштырып, жюри кежигүннеринге амзадыр. Жюри ак чемниң даштыкы хевири, амданы, өңү, чыды дээш өске-даа шынарларын көрүп, ак чеминиң каш янзызынга, ону таныштырганынга үнелелди бээр.

Мөөрейге киржир чагыгны Тыва Республиканың Сайгарлыкчы чорукту деткиир фондузунуң албан езунуң бо сайтызынче: //fpptuva. ш/ азы дараазында адресче киирер: Кызыл хоорай, Эки турачылар кудумчузу, б.18, 214 дугаарлыг өрээл, телефон 8-39422-36202.