ГРАНТ
Тыва Республиканың Көдээ ажыл-агый яамызының «Агростартап» грантызының конкурузунуң комиссиязы «Агростартап» грантызының ийиги чадазының түңнелдерин үндүрген.
«Агростартап» грантызының ийиги чадазының тиилекчилериниң бирээзи Чаа-Хөл кожуунда аныяк сайгарлыкчы Тамир Чечек-оол. Грантының акша-хөреңгизи-биле Тамир Даниярович «Беларусь» марканың чаа тракторун кожуг дериг-херексели-биле кады садып алган. Ону мал чеминиң белеткелинге Тамир ажыглап эгелей берген. Аныяк сайгарлыкчының ажыл-агыйының кол угланыышкыны – чаңгыс чылдыг сигеннерни ажаап өстүрүп, оон мал чемин белеткээри.
«Агростартап» грантызын ойнап алырынга юридиктиг дузазы дээш республиканың Көдээ ажыл-агый яамызының «Агростартап» грантызының конкурузунуң комиссиязының кежигүннеринге өөрүп четтиргенин Тамир Чечек-оол илереткен.
Ш. ЛОПСАН белеткээн.
Чуруктарны интернеттен хоолгалаан.
"Шын" №53 2024 чылдың июль 17
![](https://sun9-80.userapi.com/s/v1/ig2/AxFRycEz9FgmIQShTlcITBsmEQCX47Bj3IMuQEIY_4a9OqJ_RdyOuOVHbayQlKwpRj-8xCxyccETiMEaL-EsVobs.jpg?quality=95&as=32x43,48x64,72x96,108x144,160x213,240x320,360x480,480x640,540x720,640x853,720x960,810x1080&from=bu&u=GrPBzMCyGGQHOpaykr15tLUZT6Dj7dbQfi8dS13FT5U&cs=453x604)
![](https://shyn.ru/media/cache/2024/07/18/a6dufwcz160-59fe5eb667.jpg)