Ава кижи – казып тывар алдын эвес,
Ава дээрге өртээ турбас эртине-дир.
Азарганчыг хензиг чашты өстүрүп каан,
Амыдырал чаяакчызы чырыткы-дыр.
Ажы-төлү эртем-билиг четкижеге
Ава кижи салган күжү санаттынмас.
Ижер-чиирин, идик-хевин доозазын
Ие кижи кезээде-ле бодап орар.
Уруг-дарыын өскүжеге карактажыр
Улугларга, херек болза, дуза кадар.
Ие чүрээ кезээде-ле оожургавас.
Изиг, соокта сени ол бодап орар.
Буян кежиин чаяап берген
Бурган ышкаш аваларны
Өөртүп чоруул, утпаалыңар,
Өөрүшкүнүң чылыг сөзүн сөглеп чоруул.
Аваларның авыралын
Алдын хүнге дөмейлээр мен.
Күжүрлерниң мурнунга кээп,
Күдүк базып мөгейээли.
Ававыска өрелиг бис,
Аажок улуг өрелиг бис.
Алдын-кыс САРЫГЛАР.
Кызыл хоорай.