Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Ажыктыг дугуржулгаларны чарган

8 июня 2024
5

ПЕТЕРБУРГТА ЧУРТТАР АРАЗЫНЫҢ ЭКОНОМИКТИГ ШУУЛГАНЫ
Тываның Баштыңы Владислав Ховалыг баштаан Тыва Республиканың делегациязы Петербургта чурттар аразының экономиктиг шуулганында киржип турар. Делегацияның кежигүннери: ТР-ниң Чазааның Даргазының оралакчылары Владимир Донских биле Чечен Чоксум, республиканың экономиктиг хөгжүлде болгаш үлетпүр сайыды Айдыс Сат.


Экономиктиг шуулганның “Россияның экономиказы: сорулгалары болгаш чаа эргилдеде чедип алыр чүүлдери”, “Мурнакчы турушту хандырар технологиялар” болгаш “Кадык ниитилел, үнелиг ёзу-чаңчылдар болгаш социал хөгжүлде – күрүнениң кол чүүлдери” деп угланыышкыннар Тываның социал-экономиктиг хөгжүлдезинге дорт хамаарылгалыг. Республиканың делегациязы бо угланыышкыннарга чедиишкинниг ажылдаан. Чоокку чылдарда республиканың социал-экономиктиг хөгжүлдезинге улуг ужур-дузалыг болур дугуржулгаларны компаниялар, банкылар дээш өске-даа экономиктиг тургузуглар-биле чарган. Тываның девискээринге боттандырып болур инвестициялыг төлевилелдер талазы-биле чугаалажыышкыннарны чоруткан.

ВТБ (ПАО) Банк-биле кады ажылдажылга дугайында керээ чардынган. Ол керээ ёзугаар ВТБ (ПАО) Банк 2024 чылда Тывага бодунуң баштайгы офизин ажыдарын Владислав Ховалыг дыңнаткан. Тываның чурттакчылары ВТБ (ПАО) Банкының офистерин дамчыштыр янзы-бүрү банк ачы-дузазын алыр аргалыг апаар. Тывада боттандырып турар төлевилелдерни акшаландырарынга бо банк киржир сорулгалыг.
Тывага туризмни хөгжүдерде, аалчылар хүлээп алырының материалдыг баазазын улам сайзырадыры чугула. «Космос Отель Групптуң” президентизи Александр Биба биле Тываның Баштыңы Владислав Ховалыг Кызылга үш сылдыстыг гостиница комплекизин тудар дугайында керээге атты салганнар.

Эрзин кожуунда Тастыг деп черде литий тывыжын болбаазырадып казып алыр чөпшээрелди 2023 чылда «Эльбрусметалл-Литий» компания алган болгай. Литий, ниобий, тантал болгаш ак-коргулчун деп ховар металлдарның концентраттарын «Эльбрусметалл-Литий» казып ап эгелээрге, чүгле баштайгы 3 чылдарда республиканың бюджединче 336 сая рубль кирер дээрзин баш бурунгаар санаашкыннар көргүскен.
ПМЭФ–2024-түң ажылының үезинде Тываның Баштыңы Владислав Ховалыг биле «Эльбрусметалл» холдингиниң чиңгине директору Евгений Балуков кады ажылдажылга дугайында керээни чарганнар.
Үстүнде айтыттынган керээлер ПМЭФ–2024-түң хүннеринде херек кырында чардынган керээлерниң болгаш дугуржулгаларның чүгле чамдыызы-дыр.

ПМЭФ–2024-түң сөөлгү хүнү июнь 8-ти аныяктарга тураскаадып, оларның ажыктыг ажыл-херектериниң, чидиг айтырыгларын ханызы-биле сайгарып чугаалажыр.

Ш. ЛОПСАН белеткээн.
«Шын» №42 2024 чылдың июнь 8