Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Ажылчын мергежилдерниӊ ат-алдарын бедидер сорулга-биле.

28 июля 2022
2

Делегейниӊ тудуг чемпионадынга киржир улусту баш бурунгаар июль 25-тен август 31-ге чедир шилиир.

Чемпионатты Россияныӊ Тудуг яамызы, «Росатом» күрүне корпорациязы, «Россия – хөй аргаларлыг чурт» Президент платформазы, «Газпром инвест» ниитилел, Татар Республика организастаан.

2021 чылда Делегейниӊ Тудуг чемпионады (World Construction Championship) Сочиге болуп турган. Ынчан аӊаа 500 тудугжу, 200 хире компаниялар киришкен.

– Тудуг төлевилелдерин бараалгадыр, билиг-мергежили болгаш ажыктыг чаӊчылдарын солчуп үлежир кол чери деп санап турар бис. Аӊгы-аӊгы чурттарныӊ специалистери-биле кады ажылдаары дээрге, тудуг ажылын чаа көрүш-биле көөрү, херек кырында киржикчи бүрүзүнүӊ арга-дуржулгазын билип алыр арга-дыр. Бо хемчег тудуг ажылыныӊ тускай мергежилдери-биле таныштырар. Эп-найыралдыг өӊ-тала чурттар-биле тудуг адырыныӊ чугула айтырыгларын сайгарып, кады ажылдажылганы быжыглаары ооӊ чугула кезээ болур – деп, РФ-тиӊ Тудуг болгаш ЧКА-А сайыды Ирек Файзуллин тайылбырлаан.

Чемпионатка кымнар киржирил?

Чемпионаттыӊ киржикчилерин үш категорияга хуваап каан:

Организацияныӊ өмүнээзинден киржир төлээлер.

Хамаарышпас киржикчи, ол бодунуӊ өмүнээзинден киржир.

Дээди эртемниӊ өөредилге албан черлериниӊ болгаш колледжтерниӊ студентилери.

Номинация болгаш категория аайы-биле чемпионатты эрттирер методологиязын болгаш даалгаларын тускай чурум-биле ажылдап кылган. Баш бурунгаар шилилге эрттирер вариантыларыныӊ схемалары киржикчиниӊ категориязыныӊ аайы-биле база аӊгы-аӊгы.

Шилилгени канчаар эрттирерил?

Шупту категорияныӊ киржикчилери квалификациязыныӊ негелделери ёзугаар тестилээшкин эртер. Чижээ, 2-ги категорияда хамаарышпас киржикчи Делегейниӊ тудуг чемпионадыныӊ албан ёзу сайтызын (https://pro-wcc.ru) таварыштыр тестирование кылыр.

«Дуӊзаа ажылын хол-биле кылыр электросварщик» деп номинацияныӊ баш бурунгаар шилилгезин Тудуг-монтаж комплекизиниӊ ажылчыннарын өөредир профессионал белеткел төвүнге эрттирер.

1-ги категорияныӊ киржикчилеринге Росатомнуӊ сүмелээн методологиязы, даалгалары ёзугаар тестированиени белеткеп каан. Мергежилдиӊ специализи «Күш-ажыл камгалалы», команда-биле киржир «Инженер-геодезист» деп номинацияларга хамааржыр.

Студентилерге шилилге тестированиени Россияныӊ студентилер отряды биле Москваныӊ күрүнениӊ тудуг университеди кылган.

Тудугларны хөгжүдер, мергежилди нептередир

Россияга болгаш делегейге үлетпүр тудуунуӊ адырында ажылчын мергежилдерниӊ ат-алдарын бедидип, ону нептередири – чемпионаттыӊ бир сорулгазы.

– Эрткен чылын чемпионатка киржип келген улус бедик профессионал деӊнелдиг дээрзин көрген бис. Бо чемпионат тудугжуларныӊ амы-хууда боттарынга-даа, эртем-билиин ханыладып, мергежилин сайзырадырынга-даа кончуг ажыктыг деп бүзүрелдии-биле чугаалап тур бис. Аныяктарга ажыл-агыйыныӊ талазы-биле депшиир оруктарны ажыдып турар «Социал лифтини» ынчаар ажылдадып эгелээр – деп, «Росатом» күрүне корпорациязыныӊ чиӊгине директору Алексей Лихачев айыткан.

– Бо чылын Делегейниӊ тудуг чемпионадын «Россия – хөй аргаларлыг чурт» Президент платформазыныӊ төлевилелдериниӊ аразынче киирген. Аӊаа киржир күзелдиг кижилерниӊ саны хүнден хүнче көвүдеп турар. Чурттуӊ 57 регионунуӊ 91 хоорайындан мөөрейжилер бүрүткедип алган. Тудуг адырында ажылчын мергежилдерни нептередиринге чемпионат улуг үлүг-хууну киирер дээрзинге бүзүрээр мен – деп, «Россия – хөй аргаларлыг чурт» организацияныӊ чиӊгине директору Алексей Комиссаров демдеглээн.

Үлетпүр тудугларыныӊ специалистерин болгаш студентилерни эвилелдээн чемпионатка тудуг адырыныӊ чугула айтырыгларын чугаалажыр, сайзыраӊгай аргалар-биле чогааттынган төлевилелдерниӊ делгелгезин көргүзер.

Чемпионатка Шанхайныӊ кады ажылдажылга организациязыныӊ, Евразияныӊ экономиктиг эвилелиниӊ, СНГ, БРИКС кежигүнү чурттар, Бангладеш, Кувейт, Лаос, Венгрия, Египет, Нигерия, Каттышкан араб эмираттары, Израиль, Сербия, Катар, Иран, Турция дээш шупту 27 чурттарныӊ төлээлери киржир.

Делегейниӊ тудуг чемпионады Казань хоорайга октябрь 5 – 8 хүннеринде болур.

Р. Демчик очулдурган.

Чурукту интернеттен алган.