Бүгү делегейниң херээженнер хүнүнүң бүдүүзүнде Тывада күрүне шаңналдарын тывыскан

В. Көк-оол аттыг национал хөгжүм-шии театрынга, Бүгү делегейниң херээженнер хүнүнге тураскаадып, ТР-ниң Баштыңының Өөрүп четтириишкиннерин база Тыва Республиканың күрүне шаңналдарын тыпсыр езулал болуп эрткен. Тываның Чазааның даргазының оралакчызы А. Брокерт чыглып келген херээжен чонга Тываның Баштыңының өмүнээзинден байырны чедирген. Аңгы-аңгы адырларда хөй чылдарда ак сеткилдиг ажылдап, республиканың хөгжүлдезинге улуг үлүг-хуузун киириштирген ажыл-ишчи херээжен чон хүндүлүг аттарга төлептиг болган.

Российжи-моол участоктуң күрүне кызыгаарын камгалаар ажылдың шынарын бедидеринге үлүг-хуузу болгаш хөй чылдарда ак сеткилдиг күш-ажылы дээш ТЫВА РЕСПУБЛИКАНЫҢ БАШТЫҢЫНЫҢ ӨӨРҮП ЧЕТТИРИИШКИНИН Россияның федералдыг айыыл чок албанының Тыва Республикада Кызыгаар эргелелиниң материал-техиниктиг хандырылга килдизиниң харыысалгалыг күүседикчизи Тамара Павловна МЕЗЕНЦЕВАГА тывыскан.

«Урянхай-тыва энциклопедияны» белеткээринге база үндүреринге улуг үлүг-хуузу дээш ТЫВА РЕСПУБЛИКАНЫҢ БАШТЫҢЫНЫҢ ӨӨРҮП ЧЕТТИРИИШКИНИН Тываның гуманитарлыг болгаш социал-экономиктиг тускай шинчилелдер институдунуң дыл эртемнериниң секторунуң башкарыкчы эртем ажылдакчызы Оюмаа Маадыр-ооловна СААЯГА тывыскан.
Тыва Республикада харылзааны хөгжүдеринге улуг үлүг-хуузу болгаш хөй чылдарда ак сеткилдиг күш-ажылы дээш ТЫВА РЕСПУБЛИКАНЫҢ БАШТЫҢЫНЫҢ ӨӨРҮП ЧЕТТИРИИШКИНИН «Тывасвязьинформ» акционерлиг ниитилелдиң Кызыл-Мажалыкта кожууннуң электрохарылзаа белдириниң директору Марина Шойданова ДАССЫККА тывыскан.

Тус чер бот-башкарылга органнарынга хөй чылдарда үре-түңнелдиг ажылы дээш ТЫВА РЕСПУБЛИКАНЫҢ БАШТЫҢЫНЫҢ ӨӨРҮП ЧЕТТИРИИШКИНИН Тес-Хем кожууннуң Төлээлекчилер хуралының баштыңы – даргазы Чодураа Хулеровна ДОНГАККА тывыскан.

Хөй чылдарда ак сеткилдиг күш-ажылы дээш ТЫВА РЕСПУБЛИКАНЫҢ БАШТЫҢЫНЫҢ ӨӨРҮП ЧЕТТИРИИШКИНИН Мөңгүн-Тайга кожуун чагыргазының күш-ажыл болгаш социал-хөгжүлде эргелелиниң хоочуннар болгаш инвалидтер херектериниң талазы-биле консультантызы Борбанай Оргеевна САЛЧАККА тывыскан.

Чуртталга-коммунал ажыл-агый адырында ак сеткилдиг күш-ажылы дээш ТЫВА РЕСПУБЛИКАНЫҢ БАШТЫҢЫНЫҢ ӨӨРҮП ЧЕТТИРИИШКИНИН «Водоканал-Сервис» кызыгаарлаттынган харыысалгалыг ниитилелдиң водородтуг участоктуң улуг контролеру Айлана Борисовна ТЮЛЮШКЕ тывыскан.

Өөредилге адырында хөй чылдарда күш-ажылы болгаш бедик профессионал чедиишкиннери дээш ТЫВА РЕСПУБЛИКАНЫҢ БАШТЫҢЫНЫҢ ХҮНДҮЛЕЛ БИЖИИ-биле Кызылдың президентиниң кадет училищезиниң организатор педагогу Ольга Дмитриевна НЕВЕДРОВАНЫ шаңнаан.

Хөй чылдарда ак сеткилдиг күш-ажылы дээш ТЫВА РЕСПУБЛИКАНЫҢ БАШТЫҢЫНЫҢ ХҮНДҮЛЕЛ БИЖИИ-биле Хайыраканның хоочуннар болгаш инвалидтер бажың-интернадының биче эмчи персоналының палата санитарказы Валентина Байкараевна ШАКТАР-ООЛДУ шаңнаан.

Өөредилге адырында хөй чылдарда күш-ажылы болгаш бедик профессионал чедиишкиннери дээш ТЫВА РЕСПУБЛИКАНЫҢ БАШТЫҢЫНЫҢ ХҮНДҮЛЕЛ БИЖИИ-биле Кызылдың президентиниң кадет училищезиниң организатор педагогу Ольга Владимировна ПИКАЛОВАНЫ шаңнаан.

Хөй чылдарда ак сеткилдиг күш-ажылы дээш ТЫВА РЕСПУБЛИКАНЫҢ БАШТЫҢЫНЫҢ ХҮНДҮЛЕЛ БИЖИИ-биле Мөңгүн-Тайга биле Өвүр кожууннарның шериг комиссариадының саң-хөө-экономика, социал база пенсия ажылының талазы-биле шериг комиссарының улуг дузалакчызы Дугар Очуровна САЛЧАКТЫ шаңнаан.

Өөредилге адырында хөй чылдарда күш-ажылы болгаш бедик профессионал чедиишкиннери дээш ТЫВА РЕСПУБЛИКАНЫҢ БАШТЫҢЫНЫҢ ХҮНДҮЛЕЛ БИЖИИ-биле Кызылдың президентиниң кадет училищезиниң башкызы Ирина Багай-ооловна КУУЛАРНЫ шаңнаан.

Медицина болгаш кадык камгалалын хөгжүдеринге улуг үлүг-хуузу, бедик профессионал мергежилдии дээш «ТЫВА РЕСПУБЛИКАНЫҢ АЛДАРЛЫГ ЭМЧИЗИ» хүндүлүг атты Тыва Республиканың 1 дугаар перинаталдыг төвүнүң акушер салбырының эргелекчизи Урана Кудаш-ооловна ЧАДАМБАГА тыпсыр.

«Урянхай-тыва энциклопедияны» белеткээринге база үндүреринге улуг үлүг-хуузу, хөй чылдарда ак сеткилдиг күш-ажылы дээш «ТЫВА РЕСПУБЛИКАНЫҢ ЭРТЕМИНИҢ АЛДАРЛЫГ АЖЫЛДАКЧЫЗЫ» хүндүлүг атты Тываның гуманитарлыг болгаш социал-экономиктиг тускай шинчилелдер институдунуң чогаал секторунуң башкарыкчы эртем ажылдакчызы Людмила Салчаковна МИЖИТКЕ тыпсыр.

Тыва Республиканың үндүрүг органнарынга хөй чылдарда төлептиг болгаш дээштиг күрүне хамааты албан ажылы дээш «ТЫВА РЕСПУБЛИКАНЫҢ АЛДАРЛЫГ АЖЫЛДАКЧЫЗЫ» хүндүлүг атты үндүрүг албанының хоочуну Валентина Сандыковна КАНДАНГА тыпсыр.

Хөй чылдарда ак сеткилдиг күш-ажылы дээш «ТЫВА РЕСПУБЛИКАНЫҢ АЛДАРЛЫГ АЖЫЛДАКЧЫЗЫ» хүндүлүг атты Өвүр кожуун чагыргазының организастыг болгаш кадрлар хандырар килдис начальниги Айланмаа Константиновна АЙЫЖЫГА тыпсыр.

Журналистиканы хөгжүдеринге хууда үлүг-хуузу болгаш хөй чылдарда үре-түңнелдиг ажылы дээш «ТЫВА РЕСПУБЛИКАНЫҢ АЛДАРЛЫГ ЖУРНАЛИЗИ» хүндүлүг атты «Тыва» бүгү-российжи күрүнениң теле болгаш радио дамчыдылга компаниязы» федералдыг күрүнениң унитарлыг бүдүрүлгезиниң хоочуну Светлана Баировна ДАНЗЫН-ООЛГА тывыскан.