Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Бүгү Моолдуң Наадымынга тыва, бурят, калмык мөгелер база хүрежир

6 июля 2022
5

Бо чылдың бүгү Моолдуң Наадымынга төөгүге турбаан болуушкун – мөге хүрежинге өске күрүнелерден мөгелерге киржирин чөпшээрээн.

Сөөлгү медээлерден билдинип турары-биле алырга, аңаа Россияның 3 региону – Тыва, Бурятия, Калмыкиядан база Кыдаттың Иштики Моол автономнуг районундан мөгелерни Моол күрүнениң Наадым хүрежинче чалаан болуп турар. Оларның иштинден эң хөй даштыкы киржикчилер Тываның мөгелери болур.

Тываның адын камгалап чоруур мөгелеривистиң эге даңзызынче дараазында мөгелер кирип турар:

1. Монгуш Аяс, Тываның Күчүтен мөгези;

2. Түлүш Сайын-Белек, Тываның Чаан мөгези;

3. Монгуш Айдамир, Тываның Арзылаң мөгези;

4. Монгуш Сылдыс, Тываның Арзылаң мөгези;

5. Кара-Сал Седен-Очур, Тываның Арзылаң мөгези;

6. Монгуш Айдың, Тываның Арзылаң мөгези;

7. Монгуш Алексей, Тываның Хартыга мөгези;

8. Одай Алдын-Сай, Тываның Начын мөгези;

9. Ооржак Кежик, Тываның Начын мөгези;

10. Хомушку Эртине, кожуун чергелиг Начын мөге;

11. Монгуш Мерген, кожуун чергелиг Начын мөге;

12. Шыырап Кежик, Чаа-Хөл;

13. Куулар Мөнге-Эртине, Чөөн-Хемчик;

14. Мижит-Доржу Сайын, Улуг-Хем;

15. Шойдун Субудай, Улуг-Хем.

Оларның тренер башкылары: Куулар Каң-Демир, Донгак Кайгал-оол; Сүктер Буян.

Бүгү Моолдуң Наадымынга хүрежир тыва мөгелерниң даңзызын бүгү талазы-биле деңзигүүрлеп тургаш тургускан.

Мөгелерниң ажыл-амыдыралының аайы-биле болгаш Россия – Моол күрүне кызыгаары эртер чөпшээрели бар-чогундан бээр даңзы тургузуп тургаш, өөренип көрген. Ол ышкаш даштыкыже үнер паспордунуң бар-чогу база улуг рольдуг болган.

Моолдуң Наадымынга хүрежир тыва мөгелерниң баш бурунгаар тургускан даңзызы Моолдуң Наадымы болур хүнге, июль 11-ге чедир өскерли берип болур.

Тыва мөгелерниң Моолдуң Наадымынга хүрежир дээш, Улан-Баторже аай-дедир орукче аңаа удуур-чыдар, аштаныр-чемненир чарыгдалдарын Тыва Чазак хүлээнип алган.

Ынчангаш чүгле Тываның эвес, улуг Россияның адын база камгалаар мөгелеривиске эки белеткенгеш, Моолдуң Наадымынга чедиишкинниг киржирин тыва чон күзеп, манап орар.

Мерген КЫРГЫС.