Тываның күрүнениң аңныыр комитединиң азыг диштиг араатан-биле демиселди күштелдирер дээш, чарлаан шалыпчы айы дооступ турарын албан чери дыңнаткан.
Республиканың аңчылар бригадазы 61 бөрүнү узуткаан. Дөрт даванныг куу дайзыннарны эң хөйүн Өвүр кожууннуң девискээринден 15, Бии-Хем кожуундан 13 араатан аңны узуткап, чок кылган.
Шалыпчы айның кол сорулгазы – республиканың көдээ ажыл-агыйынга улуг каражаны чедирип турар араатан аңның санын эвээжедири.
2022 чылдан тура кокай аглаашкынын чаа арга-биле чорудуп эгелээн. Аңнаашкын девискээрин тускай тукчугаштар-биле кызыгаарлап алырга, улам эки түңнелдерлиг болурун аңчылар демдеглеп турар.
ТР-ниң Дириг амытаннар объектилерин камгалаар күрүне комитеди шалыпчы айны февраль 3-тен март 3-ке чедир чарлаанын сагындыраал.
ТМГ-ниң медээзинден.
«Шын» №16 2024 чылдың март 2
