Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
02 июля, сб

«Бай-Хөл» агрокооперативке «Нива» автомобиль

9 июня 2022
30

2022 чылдың июнь 2 – 5 хүннеринде Забайкалье крайның Чита хоорайга уксаалыг хой база өшкүнүң XVIII Сибирь – Ыраккы Чөөн чүк делгелгези болуп эрткен. Чылдың-на эртип турар көдээ ажыл-агый делгелгези Сибирь болгаш Ыраккы Чөөн чүк регионнарының мал ажыл-агыйларының уксаажыдылга ажылында чедиишкиннерин көргүзүп, амгы үениң чаа көдээ ажыл-агый техникаларын делгеп көргүзүп, көдээ ишчилерниң сонуургалын хаара тудуп турар.

Ук хемчег уксаалыг малдарны делгээринден аңгыда, мал ажыл-агыйның талазы-биле эртем-практиктиг конференцияны организастап, мал кыргыкчыларының мөөрейин, дүктүң шынарын ылгаарынга мастер-классты эрттирип, аъттарны чарыштырган.

Бо чылын Бурятия, Тыва Республикалардан, Приморье база Забайкалье крайлардан шупту 19 ажыл-агый 150 хире баш уксаалыг хой, өшкүлерни делгелгеге киириштирген. Забайкалье крайдан эң хөй – 11 ажыл-агый киришкен болза, Тыва Республикадан дөрт, Бурят Республикадан үш ажыл-агый малдарын эккелген. Бо чылын ук хемчегге Приморье край бир дугаар киришкен. Делгелгени сонуургап, Россияның сес регионундан база кожа-хелбээ Моолдан аалчылар келген.

18-ки Сибирь – Ыраккы Чөөн чүк делгелгезиниң Эксперт комиссиязының протоколунга даянгаш, уксаалыг бүдүрүкчү кошкарлар, хуналар, төрүүр хойлар, өшкүлер, тогду хураганнар аразындан чемпионнарны илереткен. Делгелгениң кол шаңналы – Забайкальениң губернаторунуң салганы “Нива” автомобильди Тыва Республиканың Эрзин кожуундан Эртине Манзайның удуртканы “Бай-Хөл” агрокооперативке тывыскан.

Ол ышкаш Тыва Респуб­ликаның ыраккы Мөңгүн-Тайга кожуунунуң “Сайзырал” ажыл-агый (удуртукчузу Сайлык Куулар) өшкү ажыл-агыйлыг бүдүрүлгелерниң аразынга тиилээш, 200 муң рубльдиң сертификадын алган.

“Бай-Хөл” агрокооперативтиң даргазы Эртине Манзай командазы-биле 2008 чылдан тура бо делгелгеге доктаамал киржип келгенин, ооң үре-түңнели мындыг улуг шаңналга эккелгенин өөрүшкү-биле дыңнадып, ТР-ниң Чазаанга, Көдээ ажыл-агый яамызынга, кожуунунга, кады ажылдап чоруур эш-өөрүнге четтиргенин илереткен.

Тываның Чазааның парлалга албаны.