Эргим чаңгыс чер чурттугларым!
Россияның хүнү-биле силерге сагыш-сеткилим ханызындан байыр чедирип тур мен!
Төрээн чуртувуска, ооң улуг төөгүзүнге, күчү-күжүнге чоргаарланып, Тиилелгеге бүзүрелдиг бис!
Хамаатыларның, өг-бүлелерниң, тускай шериг операциязының киржикчилериниң социал деткимчезинче, чаа девискээрлерни сайзырадырынче, Ада-чуртувустуң делегейге авторитедин быжыглаарынче угланган Россияның стратегтиг курузу бүгү чоннуң деткимчезин алган. Демниг күжениишкиннеривис-биле бистиң чуртувустуң ат-алдарын камгалап арттырар болгаш улам бедидер бис.
Быжыг кадыкшылды, тайбыңны болгаш амыр-чаагай чорукту күзедим!
Хүндүткел-биле, Тываның Баштыңы Владислав Ховалыг.
«Шын» №22 2025 чылдың июнь 12