Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Бежен чылдаан хоочуннар бис.

7 июля 2022
8

1972 чылдың май 25-те школаның «Сөөлгү коңга» байырлалында ак фартуктарлыг, ак хөйлеңнерлиг, шиник кеттинген оолдар, кыстар амыдыралдың делгем оруунче шилчээннер. Оон бээр мугур 50 чыл эрткен.

Бежен чыл дээрге барык кижи назыны. 50 чыл бурунгаар байырланчыг, муңгаранчыг-даа сөөлгү коңгага үдеттирген оолдар, кыстар ам кырган-ава, кырган-ача, харын-даа энелер апаргылаан. Оларның аразында кандыг мерегежилдиң кижилери чок дээр. Эрге-хоойлу ажылдакчылары, күрүне ажылының, партия, комсомолдуң хоочуннары, малчыннар, бөдүүн ажылчыннар, башкылар, эмчилер, культура ажылдакчылары дээш кымнар-даа бар. 50 чылдар эртсе-даа, ам-даа тура-соруун салбаан, баштак, хөглүг, амыдыралга чүткүлдүг, бот-боттарын деткишкен, арга-сүмелешкен, аныяк-өскенге үлегер-чижээн көргүскен «коктуг» хоочуннар бис.

Бежен чылдаан байырлалывыстың үезинде башкыларывыс кезээ мөңгеде биске үлегер болуп чоруурун сактып чугаалаштывыс. Ылаңгыя школа директору Сүүр-оол Хүргүлекович Ондар оолдарны баштап алгаш, хол бөмбүү, теннис ойнаар турганнар. Оюн үезинде бөмбүктү соора хаптарга, «Эйт, аал, эйт, канчап бардың» дээри таан чаптанчыг.

Интернатка бисти «девоньки, красавицы, просыпайтесь» – деп оттурар орус омактыг кижизидикчи башкывыс таан аянныг ийин. Чеже-даа удуксазыңза, башкының чылыг-чымчак сөстеринге туруп кээр сен.

Бис 9 класстар ак корпуска, 10-нар кара корпуска чурттап турган. 10 класстарны «кара корпус акыйлары, угбайлары» дээр-ле болгай бис. Аравыс 1–2 хар-даа болза, ол хире хүндүлээчел турган-дыр бис.

Школавысты доосканывыстан бээр 50 чыл оюн демдеглеп тура, үежилеривиске быжыг кадыкшылды, өөрүшкүнү, турушту күзээр-дир мен.

Тывавыстың сайзыралынга ам-даа билииңер, күжүңерни берип, аныяк-өскенге үлегер-чижек болуп чорууруңарны күзедим.

Анна Чымыыжык, башкы.

Ак-Тал суур.