Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Бирги классче 6 муң ажыг уруг өөренип кирер.

14 июля 2022
6

Бо чылдың июль 11-ге чедир Тываның школаларынга бирги классче «Госуслуги» портал таварыштыр 2116 билдириишкин кирген.

Оларның 1917-зи апрель 1-ден июнь 30-ге чедир болган бирги классче киир бижидилгениң бирги чадазында кирген. Ийиги чаданың эгезинден – июнь 6-дан тура бо чылын школаже кирер 199 уругнуң документилерин хүлээп алган. ТР-ниң Өөредилге болгаш эртем яамызының медээзи-биле алырга, бо чылын бирги классче 6335 уруг өөренип кирер.

Бо чылын Тыва бирги классче ырактан бижидер аргалыг регионнар даңзызынче киргениниң ачызында, киир бижидилге чаа дүрүмнер-биле эртип турар. «Госуслуги» портал таварыштыр билдириишкин хүлээп алыры ийи үе-чадалыг эртип турар. Ырактан документилер дужаарда, ада-иениң азы хоойлу езугаар төлээзиниң шынзыткан учеттуг бижидилгези херек.

Апрель 1-ден июнь 30-ге чедир бирги ээлчегниң азы школаже киирип алыр эргези колдап турар уруглар, ол ышкаш девискээринде быжыглаттынган, тодаргайлаарга, школаның девискээринде чурттап турар уругларның киир бижидилгези чоруп турган. Ол ышкаш бирги чадада акызы азы угбазы ол-ла школада өөренип турар болза, оон ыңай шериг албан черлериниң ажылдакчыларының ажы-төлүн бирги классче киирер билдириишкиннерин хүлээп турган.

Документилер хүлээп алырының ийиги чадазы школаларда бирги классче хостуг олуттар төнеринге чедир уламчылаар, сентябрь 5-ке чедир. Школаның девискээринде быжыглаттынмаан уругларга билдириишкинни киирип болур. Тодаргайлаарга, бо үе дургузунда өске районда школаже билдириишкинни киирип болур.

Бирги классче 6 хар чартыктан 8 хар чедир назылыг уругларны хүлээр. Назыны оон шала эрте азы орай болза, ада-иезиниң киирген билдириишкинин көрүп тургаш, хүлээп болур.

Тывага эрткен өөредилге чылында 7184 уруг бирги классче кирген.

/ Бистиң корр.