Кызылдың 16 дугаар лицейиниң директору Альберт Дапылдай чаа өөредилге чылы-биле башкыларга, өөреникчилерге болгаш ада-иелерге байыр чедирген.
– Хүндүлүг уруглар, ада-иелер болгаш коллегалар! Чаа өөредилге чылы-биле байыр чедирбишаан, быжыг кадыкшылды база дыңнангыр ажы-төлдү болгаш өөреникчилерни күзээр-дир мен.
Бистиң 16 дугаар лицейивис чаа өөредилге чылынга 100 хуу белен. Тываның Чазаанга болгаш ТР-ниң Өөредилге яамызынга бо чылын чаа өөредилге номнары-биле школавысты хандырганы дээш четтиргенивисти илередир-дир бис.
Бо чылын 215 бирги классчыларны хүлээп алдывыс. Олар 7 аңгы класска санитарлыг чурум езугаар эртенги ээлчегде кичээлдеп эгелээр.