«Экология» национал төлевилелдиң «Арга-арыглар камгалалы» федералдыг төлевилел күүселдези-биле республикада чаа тускайжыттынган техника келген.
ТР-ниң Арга-арыг ажыл-агыйы болгаш бойдус ажыглалының яамызы арга-арыг ажыл-агыйынга ажыглаар күчүлүг (тарылга, чер аңдарар болгаш чемишчидер…) техника – “Агромаш 90 ТГ 2047” деп маркалыг, илчирбелиг дугуйлуг ийи тракторну немей садып алган.
Чаа илчирбелиг дугуйлуг тракторлар агроүлетпүр ажылдарының шупту хевирлеринге көрдүнген. Ук техникага кожуг херекселдерин кожуп, аңгы-аңгы ажылдарны кылып болур. Тракторнуң улуг эвес хемчээли болгаш улуг күчүлүү ооң бүрүдүкчүлүүн улгаттырып турар.
2022 чылда «Экология» национал төлевилелдиң «Арга-арыглар камгалалы» федералдыг төлевилел-биле күрүне эрге-чагырга органнарының албан черлерин чепсеглеп, арга-арыг ажыл-агыйынга ажыглаар он ажыг санныг техниканы сатканын сагындыраал.
/ Бистиң корр.