Барыын-Хемчик кожуунда Барлык суггарылга системазын септээр, ооң ажыглалын экижидер талазы-биле ажыл 2025–2026 чылдарда күжениишкинниг чоруп келген. Амгы үеде бо суггарылга системазының байдалы дыка экижээн, ооң 6 муң га шөлүнге тараа аймаан, мал чеминге хереглээр оът-сигенни болгаш чер ажыл-агыйының өске-даа культураларын тарып өстүрер арга тургустунган.
Барлык суггарылга системазы федералдыг чергелиг болгаш, чаашкынналдырып суггарарынга ажыглаар дериг-херекселди Федералдыг яамының шугуму-биле Тываже чоруткан. Ол дериг-херексел Барлыкта чеде берген. Ооң-биле кады черниң хөрзүнүн болбаазырадырынга ажыктыг тускай дериг-херекселдиг тракторну база эккелген. Тываның Баштыңы Владислав Ховалыг Россияның Президентизи Владимир Путинге дилегни кииргени-биле холбаштыр барабаннарлыг суггарылга дериг-херекселин эрткен 2025 чылда алыр аргалыг болган.
Ш. МОНГУШ белеткээн.
Чуруктарны Көдээ ажыл-агый яамызының ажык медээлеринден алган
“Шын” №21 2026 чылдың июнь 4
"Шын" солуннуң МАХ-каналынга каттыжыңар: max.ru/join/egenQ...