Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чадаанада 616 олуттуг чаа школа тудуу эгелээн

27 января 2024
7

Ниитизи-биле Россияда 2019 чылдан тура “Өөредилге” национал төлевилел-биле 1100 ажыг школа туттунган. Ол төлевилелдиң “Капиталдыг септелге” программазы-биле 2022 чылдан тура 3000 школага септелгени чоруткан.

Ниити чуртта боттанып турар национал төлевилелдиң ачызында школаларда үшкү смена турбас кылып кааны, өөреникчилерге-даа, башкыларга-даа дыка эптиг апарган. Улуг, чараш, чырык, амгы үениң дериг-херекселинден аңгыда, чаа эт-сеп-биле дериттинген школалар чер-черлерде чылдан чылче немежип турар.

Ол-ла бүгү ажылды чорударынга Владимир Путинниң эгелекчи саналы болгаш деткимчези улуг рольдуг болганын российжи улуг-биче чон үнелеп турар. Ниитизи-биле национал төлевилел ёзугаар бо хүнге чедир туттунган чаа 1000 ажыг школага немей 2024 чылдың төнчүзүнге чедир 1500 өөредилге албан черин тудар болгаш 4000 уруглар оран-савазынга капиталдыг септелгени чорудары көрдүнген.

Тывада бо төлевилелдиң боттанылгазының дугайында ТР-ниң Чазак Даргазы Владислав Ховалыг бодунуң Айыткалынга демдеглээн.
“Тываның хөгжүлдезинге хамаарышкан айтырыглар талазы-биле чурттуң Президентизиниң, федералдыг чазактың деткимчезин доктаамал көрүп турар бис. Владимир Путинниң даалгазы-биле республика девискээринде чаа школалар немежип турар. Эрткен чылдың декабрьда ийи школаның чаа тудуглары доозулган, ам ажыттынарын манап турар. Оон аңгыда, сентябрь 1-де уруглар ийи чаа школага парта артынга олуруптар. Ол ышкаш бо чыл төнчүзүнге чедир чеди ниити өөредилге албан чериниң тудуун доозар деп дидим сорулга салып алган бис. Бистиң республикавыска ол дыка улуг болуушкун болур” – деп, ол чугаалаан.

Ниитизи-биле Тывада “Өөредилге сайзыралы–2023–2024 чч” программа-биле 10 школаны ажыглалче киирер дээн. Ол дээрге 7 муң ажыг уруглар чаа школаларга өөренир. Оларның бирээзи Чадаанада 616 олуттуг чаа школа. Аңаа хоорайның 2 дугаар школазының болгаш хоорай кыдыында бажыңнарда чурттап турар өөреникчилер өөренир.
Школаның чаа тудуу Чазак Даргазы В. Ховалыгның күжениишкинниг ажылының түңнелинде туттунуп эгелээнин демдеглевес арга чок. Чүге дээрге регионнуң удуртукчузунуң идип үндүргени эгелекчи санал-оналы федералдыг деңнелде деткимчени ап турар. Ол дээрге улуг ажылдың эң-не кол кезээ.

Чадаанада школа тудуу бирги чадада чоруп турар. Амдыызында инженерлиг инфраструктуралар чорудар өрээлдерни белеткеп, подвалда ажылдар кылдынып турар. Ында 80 ажылдакчы, колдуу тус черниң чурттакчылары хаара туттунган. Бо тудуг ажылын хүлээникчи “Восток” КХН организациязы база тус черниң ийи хүлээникчи организациязы кылып турар. Ында амгы үениң чаа техниказын шуптузун хаара туткан, чеже-даа кышкы сооктар чоруп турза, тудуг ажылы соксаал чок уламчылап турар. Бодувустуң мурнувуста салдынган сорулганы хуусаазында доозар ужурлуг бис” – деп, тудуг участогунуң даргазы Олег Соколов чугаалаан.

План ёзугаар 13 муң дөрбелчин метр шөлдүг, улуг хуралдаар зал болгаш чемненир столовая, ийи спорт залдыг база аңгы тренажер залдыг үш каът чаа школа 2024 чылдың төнчүзүнде Чадаанага эжиктерин ажыдар.

Бистиң корр.

Ада Тюлюштуң тырттырган чуруктары.


«Шын» №6 2024 чылдың январь 27