Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чалыы камгалакчылар

8 июля 2024
6

Новосибирск облазының Бердск хоорайга Сибирь федералдыг округтуң регионнарының аразынга маргылдаа болуп эрткен. Ниитизи-биле 19 команда киришкен. Улуг-Хем кожууннуң Хайыракан суурунуң өөреникчилери Тываны төлээлээн. Маргылдаа хүннери киржикчилерге берге-даа болза, уттундурбас, солун хемчеглер-биле байлак эрткен. Олар бүгү-ле шылгалдаларны эртип каапкан.

“Аңгы-аңгы регионнардан келген эштеривис-биле таныжып, чугаалажып, маргылдааның амыр эвес чадаларын эртивис. Кончуг-даа дүшкүүрлүг хүннер болду. Профильдиг ээлчегниң практиказынга бис баш удур көрдүнмээн байдалдар тургустунуп келирге ажыглаар айыыл чок чоруктуң бүгү-ле чугула херек чаңчылдарын шиңгээдип алдывыс” – деп, команданың капитаны Даниил Дамбый бодунуң бодалдары-биле үлешкен.

Мөөрейниң киржикчилери өртке удур белеткелге, дилеп тывар болгаш камгалал ажылдарынга, черниң уг-шиин тыварынга хөй-ле шаптараазыннарны, “берге байдалда дириг артарының маршрудун” болгаш “шаптараазынныг оруктарны” эрткен.

Чалыы камгалакчылар акваторийге дилеп тывар болгаш камгалаар ажылдарны, аргага орукту тып, дириг үнүп келириниң аргаларын тергиин эки билиринге, өртке удур камгалал ажылдарынга белеткениринге болгаш онза байдалдар үезинде канчаар алдынарынга боттарының билиглерин болгаш чаңчылдарын кончуг эки көргүскеннер.

Маргылдааның 5 хүнүнүң дургузунда хайыраканчыларның командазы эки түңнелдерни ап, кижи бүрүзү “Айыыл чок чоруктуң школазын” эрткен дугайында шынзылгаларны холга алганнар. Күжүн шенежир бөлүк мергежилгелерге олар 4-кү черни, акваторийге дилеп тывар болгаш камгалал ажылдарынга 6-гы черни алганнар. Күзел Чалбаа чиик атлетикага хууда маргылдаага тергиин эки түңнелдерлиг болган.

Чыжыргана СААЯ белеткээн.

Чурукту интернет четкизинден алган.


“Шын” №50 2024 чылдың июль 6