Чурттаар оран-сава тудар чер участоктарының өртээ сөөлгү үеде аажок өскен. Амгы үеде чер өртээ республиканың эң-не чидиг айтырыгларының бирээзи апарган. ТР-ниң чер болгаш өнчү-хөреңги хамаарылгаларының сайыды Аяс Допуй- оол бо чидиг айтырыг дугайында тайылбырны кылган.
Чер участогунуң өртээн рынок боду тургузуп турар. Чаңгыс дөрбелчин метр черниң өртээн доктаадыры болдунмас.
Бо байдалдан үнер чаңгыс арга – үе-үе болгаш чер участоктарынга хамаарыштыр аукционнар эрттирери. Ук аукционга чер участогун күрүнеден чылда 5 муң рубльга арендалап алгаш, бажың тудуп алган соонда, черниң кадастр өртээ-биле хуужудуп алыр арга бар.
Чер садыглаашкынының дугайында чарлалды ТР-ниңЧер болгаш өнчү-хөреңги хамаарылгаларының яамызының ажыл-агыйжы сайтызындан билип алыр арга бар. Бо чоокку үелерде аукцион-садыглаашкыннар дугайында социал четки таварыштыр билип алыр.
Ийи участокту аукционга садарынга белеткел ажылдары чоруп турар. Садыглаашкынга күзелдиг-ле хамаатылар киржип болур. Хемчегге киржир бетинде бүрүткедири албан. Бүрүткел халас эвес. Алыр дээн чер участогунуң чылда арендазының 20 хуузун төлээн турар ужурлуг. Ынчан аукционга киржир эргелиг.
Бистиң корр.
"Шын" №59, 2023 чылдың август 9
