Тываның Энергетика болгаш чуртталга-коммунал ажыл-агый яамызы республика девискээринде хөмүр-даш складтары ажылдап эгелээнин дыңнаткан. «Хөмүр продукциязы» деп cpgu.rtyva.ru айтыгда күрүнениң информастыг системазының (ГИС) хуу кабинединде ажыткан тускай QR-кодту алгаш, хөмүр-дашты чиигелделиг өртекке садып ап болур.
Энергетика яамызы Кызыл хоорайда (Таёжная кудумчузу 3а), Сүт-Хөлде (Суг-Аксы суурда Бюрбю кудумчузу), Чаа-Хөлде (Чаа-Хөл суурда Ленин кудумчузу 1), Бии-Хемде (Туран хоорайда Шоссейная 2Б), Таңдыда (Бай-Хаак суур, Шоссейная кудумчузу 1А), Эрзинде (Эрзин суурда Комсомольская кудумчузу 2), Тес-Хемде (Самагалдай суурда Промышленная кудумчузу 24/1) хөмүр-даш складтарындан хөмүрнү август 28-те садып эгелээнин дыңнаткан.
Кызыл хоорайда (Калинин кудумчузу 17), Вавилин ээтпээниң 6-гы км-де база Каа-Хем кожуунда Сарыг-Сеп суурнуң Пушкин кудумчузу 186 дугаар бажыңда складтар август 29-та ажыттынган.
Август 31-де Мөңгүн-Тайга кожууннуң Мугур-Аксы суурнуң Кула кудумчузунуң 29 дугаар бажыңында одаар чүүл склады ажылын эгелээн.
Кызыл хоорайда дараазында адрестерде складтар сентябрь 2-ден ажылын катап эгелээр: Мир кудумчузу, б. 11А; Подгорная, б. 39; Комсомольская, б. 97; Вавилин ээтпээ, Светлая, б. 45; Энергетиктер, б. 5/2.
Бай-Тайга кожуунда Тээли суурда (Комсомольская, б. 32), Чөөн-Хемчик кожуунда Чадаана хоорайда (Подгорная, б. 18), Барыын-Хемчик кожуунда Кызыл-Мажалык суурнуң Чүргүй-оол кудумчузунда дугаары чок база Коммунальная кудумчузунда, б. 12а. Улуг-Хем кожуунда: Шагаан-Арыг хоорай, Энергетиктер кудумчузу, б. 1. Сүт-Хөл кожуунда Суг-Аксы суурнуң Эки турачылар кудумчузунда, б. 5. Кызыл кожуунда: хоорай хевирлиг Каа-Хем суурнуң Академик Обручев кудумчузунда.
Тыва Республиканың Энергетика болгаш чуртталга-коммунал ажыл-агый яамызы «Хөмүр-даш продукциязы» ГИС-ке бүрүткедирде, cpgu.rtyva.ru деп айтыгже киргеш, тайылбыр ёзугаар кылырын сагындырып турар. Бүрүткедип алгаш, адрезиңерни базыпкаш, экранда QR-кодту скриншоттап алыр силер.
QR-кодту бүрүткедирде азы алырда, бергедээшкиннер тургустунуп кээр болза, Хөй талалыг ажыл-чорудулгалыг төптен (МФЦ), муниципалдыг чагыргадан азы Энергетика болгаш ЧКА яамызының 8 (39422) 5-15-49 дугаарлыг телефонунче долгааш, дузаны ап болур.
Тыва Республиканың Тарифтер албанының дыңнатканы-биле алырга, 2010 чылдың май 21-де № 212 доктаалы-биле Тыва Республиканың Чазааның бадылааны хөмүр-дашка өртектер чурттакчы чонга күштүг хевээр арткан. Ында «Тываның даг-руда компаниязы» КХН-ниң «Каа-Хем» биле «Чадаана» уургайлары чонга хөмүр-дашты 1 тоннада 3045 рубль 57 көпеек-биле садары көрдүнген.
Медээни болгаш чурукту ТР-ниң Чазааның парлалга албанындан алган.
“Шын” №34 2026 чылдың сентябрь 3
"Шын" солуннуң МАХ-каналынга каттыжыңар: max.ru/channel_shyn