Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чиигелделиг ипотека боттанып эгелээн

18 октября 2023
22

Тываның найысылалынга 2 хуу чиигелделиг ипотека программазын боттандырары-биле Спутник микрорайонунда чаа туттунуп турар бажыңнарның квартираларын садып эгелээн. ТР-ниң Тудуг яамызының специалистериниң дыңнадып турары-биле алырга, квартиралар садыглаашкыны октябрь 10-дан эгелээн. Амгы үеде чаа бажыңнарда 160 квартираны садар кылдыр салган.

Чиигелделиг ипотека чээлизин ам бодунда чүгле ийи банк — Росбанк биле Сбербанкыда берип турар дээрзин яамының специалистери дыңнаткан.

Найысылалда чаа туттунуп турар хөй квартиралыг бажыңнарда чиигелделиг ипотека кайы хире хереглелдиин билип алыры-биле тудуг компанияларының төлээлери-биле чугаалаштывыс.
Кызылдың Ангарск бульвары кудумчуда хөй аал чурттаар бажыңнарны тудуп турган «Өлчей» КХН-ниң төлээзиниң чугаазы-биле алырга, бо үеде туттунган бажыңның квартиралары шупту саттына берген. Саттынган квартираларның үжүн чиигелделиг ипотека-биле садып алган.

Олег Саган-оол кудумчузунда хөй аал чурттаар бажыңнарны тудуп турар «Восток» КХН-де байдал база шак-ла ындыг. Компанияның садыг-саарылга килдизиниң удуртукчузу Валерия Думанянның чугаалап турары-биле алырга, оларның компаниязында чаа туттунуп турар бажыңнарга хереглел дыка улуг. Амгы үеде чаа туттунган 140 квартиралыг бажыңның 33 квартиразын чиигелделиг ипотека-биле садып алган.

«Бо хүнде чурттакчы чонга чиигелделиг ипотека-биле садып ап болур 50 хире квартираның документилерин белеткеп кылыр ажылдар чоруп турар. Ооң садыглаашкыны бо чылдың ноябрь айда эгелээр» — деп, Валерия Думанян чугаалаан.

Тывага чиигелделиг ипотека программазы регионнуң чурттакчыларынга «Таарымчалыг чурттаар оран-сава» деп күрүне деткимчезиниң бир кезээ болуп турар. Ук программа чурттаар оран-саваны чиигелделиг өртек-биле садып алыр аргалыг болурунче угланган.

Бистиң корр.


“Шын” №79 2023 чылдың октябрь 18