Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чиигелделиг ипотека программазының боттанылгазы

4 апреля 2024
7

Россияның Президентизиниң деткимчези-биле 2023 чылдың сентябрьдан тура республикада чиигелделиг ипотека программазы ажылдап турар.

ТР-ниң Тудуг яамызының сан-медээзи-биле алырга, программа ажылдап эгелээн үеден тура, Тываның чурттакчылары-биле ипотека чээлилээшкининиң 7 млрд рубльдиң 1,5 муң хире керээлерин чарган. Бөгүн садыглаашкынга 1191 квартираны салган, туттунуп турар ийи бажыңдан 302 квартираның төлевилел угуулгаларын белеткеп турар. Чылда 2 хуу чедир чиигелделиг ставканы Тываның чурттакчылары тудугжу организациядан чүгле бирги оран-саваны азы хууда бажыңны садып ап болур.

Чээлиниң эң улуг түңү 6 сая рубль, чээлилээшкинниң эң узун хуусаазы — 20 чыл. Бирги дадывырның хемчээли 15–20 хуу, дадывыр кылдыр ие капиталын база ажыглап болур.

Программаның боттанылгазын чээли берикчизи беш организация боттандырып турар. Ол дээрге «Сбербанк» акционерлиг ниитилел, «Росбанк», а ол ышкаш чоокта чаа каттыжып келген «Банк ДОМ.РФ», «Россельхозбанк» болгаш «Совкомбанк» олар-дыр. Чээли берикчилериниң даңзызының калбарганы-биле киржикчилер боттарынга таарымчалыг байдалдарны шилип алыр аргалыг апарган.
Программаның боттаныышкыны 2024 чылдың июнь 30-ге чедир үргүлчүлээр кылдыр көрдүнген. Ол үеге чедир ам-даа 2 172 чээлини бээр. Ынчалзажок Тываның Баштыңы Владислав Ховалыгның даалгазы-биле чиигелделиг тыва ипотеканың хөделиин моон-даа соңгаар улаштырар дээш, эргежок чугула ажылдарны чорудуп турар. Мындыг чергелиг кыйгырыгны федералдыг Чазакче чоруткан.

Чиигелделиг программаның хуусаазын Тывага ыяап-ла узадырының эргежок чугулазының дугайында Россияның тудуг болгаш чуртталга-коммунал ажыл- агыйының оралакчы сайыды Никита Стасишин чоокта чаа республикага кээп чорааш демдеглээн. «Ону кандыг-даа байдалдарда доктааткан ажыы чок. Бердинген үлүглерни болдунар шаа-биле шиңгээдири чугула болгаш ам-даа үлүглерни бээрин дилээр херек» – деп, Н. Стасишин айыткан.

А. ХЕРТЕК белеткээн.

Чурукту интернеттен алган.


«Шын» №25 2024 чылдың апрель 3