Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
02 июля, сб

Дайынчыларывыстың сагыш-сеткилин өөрткен

7 мая 2022
14

Тускай операцияның мурнуку одуруунда чоруп турар оолдарывыс кайы хире чоруп турарын кижи бүрүзү дыңнаксап турары билдингир. Тываның Баштыңы Владислав Ховалыгның даалгазы-биле ооң оралакчызы Тимур Куулар Украинаның дайынчы чорудулгалар девискээринге четкеш, бистиң дайынчыларывыс-биле ужурашкан келген. Ол дугайында Владислав Ховалыг социал четкиде хууда арнында бижээн. “Бисти дээш сагышсыраваңар. Президентиниң салган сорулгаларын дайынчы сеткил-хөөннүг, чогууру-биле күүседип чоруп тур бис. Кысказы-биле, өгбелеривистиң дайынчы алдар-адын баксыратпас бис” – деп, бистиң дайынчыларывыс республиканың чурттакчы чонунга дыңнаткан.

Тимур Куулар аңаа баргаш, Тиилелге байырлалынга тураскааткан шаңналдарны тывыскан. Шериглерниң өөрээн сеткилин чүге деңнээр. Национал театрның кол режиссёру Сайдаш Монгуш чаңгыс чер-чурттугларынга байырланчыг концертти көргүзүп, тыва кижиниң сеткил-хөңнүн көдүрүптер каргыраа, сыгытты бараалгаткан. Тыва чоннуң кужуру болур хой эъдин база белеткээш, чедирип бергеннер.

Даалганы күүсеткени дээш, Владислав Ховалыг өөрүп четтиргенин илереткен. Дайынчылардан медээлерни болгаш күзээшкиннерни база эккелгеннер.