Енисей Сибириниӊ регионнарында туризм фирмаларыныӊ 2022 чылда ажыл-чорудулгазыныӊ дугайында стратегиялыг медээни Красноярскыныӊ статистика албаны белеткээн.
Тываныӊ аян-чорукчулары
2022 чылда Тыва Республикага 10 турисчи фирма ажылдап турган, 2021 чылда ооӊ саны 7 турган. Республиканыӊ 629 чурттакчызы аян-чорук барып чораан, бурунгу чылдыӊ көргүзүглери-биле деӊӊээрге, оларныӊ саны 12 хуу эвээш болган.
2022 чылда чурт иштинге туристээн улустуӊ саны 440, а 2021 чылда 576 кижи турган. Оларныӊ 89,3 хуузу Тываныӊ девискээринге дыштаныксаар болган. Аян чорукчуларыныӊ 10,7 хуузу Краснодар крайныӊ дыштанылга черлеринге барып чораан.
Даштыкы чурттарга 2022 чылда – 184 кижи, 2021 чылда – 138 кижи дыштанып турган. Оларныӊ 50 хуузу – Турцияга, 29,3 хуузу – Таиландыга, 12 хуузу – Каттышкан Арабтар Эмирадынга, 4,3 хуузу – Египетке дыштанган.
Россияныӊ хамаатылары 2022 чылда – 333, 2021 чылда – 370 аян-чорук путевказын ажыглаан. Россияныӊ девискээринге аян-чоруктуӊ 223 путёвказы, а даштыкы чурттарже 110 путевканы ажыглаан.
Россия иштинге аян-чорук путевкаларыныӊ ортумак өртээ – 20,1 муӊ рубль, даштыкы чурттарныы 124,9 муӊ рубль болган.
Хакасияныӊ аян-чорукчулары
2022 чылда Хакас Республикага 52 турисчи фирма ажылдап турган, 2021 чылда ооӊ саны 48 турган. Хакасияныӊ 10880 чурттакчызы аян-чорук барып чораан, бурунгу чылдыӊ көргүзүглери-биле деӊӊээрге, оларныӊ саны 2,4 хуу хөй апарган.
2022 чылда чурт иштинге туристээн улустуӊ саны 6 026, а 2021 чылда 6759 кижи болган. Оларныӊ 59,3 хуузу Хакасияныӊ девискээринге дыштанып турган. Аян чорукчуларыныӊ 14, 5 хуузу – Краснодар крайга, 4,3 хуузу – Тыва Республикага, 3,1 хуузу – Москвага, 2,6 хуузу Санкт-Петербург хоорайга барып дыштанып чораан.
Даштыкы чурттарга 2022 чылда – 4 851, 2021 чылда – 3 681 кижи дыштанган. Оларныӊ 48,7 хуузу – Турцияга, 25,3 хуузу – Таиландыга, 7,8 хуузу – Египетке, 3,8 хуузу Абхазияга дыштанган.
Россияныӊ хамаатылары 2022 чылда – 5 178, а 2021 чылда – 4 679 аян-чорук путевказын ажыглаан. Россияныӊ девискээринге – 2 562, даштыкы чурттарже – 2 616 путевканы ажыглаан.
Россия иштинге аян-чорук путёвкаларыныӊ ортумак өртээ – 41,3 муӊ рубль, даштыкы чурттарныы 118,9 муӊ рубль болган.
Красноярск крайныӊ аян-чорукчулары
2022 чылда Красноярск крайга 329 турисчи фирма ажылдап турган, 2021 чылда ооӊ саны 304 турган. Регионнуӊ 78 211 чурттакчызы аян-чорук барып чораан, бурунгу чылдыӊ көргүзүглери-биле деӊӊээрге, оларныӊ саны 32,9 хуу көвүдээн.
2022 чылда чурт иштинге туристээн улустуӊ саны 40 793, а 2021 чылда 25 815 кижи болган. Оларныӊ аразында улустуӊ 55,1 хуузу республиканыӊ девискээринде дыштанылга черлеринге барып чораан. Аян чорукчуларыныӊ 20,4 хуузу Краснодар крайныӊ дыштанылга черлеринге барып чораан.
Аян чорукчуларыныӊ 4,4 хуузу – Санкт-Петербургка, 2,6 хуузу –Москвага, 4,1 хуузу – Алтай крайга, 2,7 хуузу Новосибирск обласка барып дыштанып чораан.
Даштыкы чурттарга 2022 чылда – 37 418, 2021 чылда – 33 020 кижи дыштанып турган. Оларныӊ 48,4 хуузу – Турцияга, 22,9 хуузу – Таиландыга, 8,8 хуузу – Египетке, 4,1 хуузу – Каттышкан Арабтар Эмирадынга, 4,1 хуузу Абхазияга дыштанган.
Россияныӊ хамаатылары 2022 чылда – 48,4 муӊ, 2021 чылда – 33,1 муӊ аян-чорук путевказын ажыглаан. Оларныӊ аразында Россияныӊ девискээринге аян-чоруктуӊ 31,1 муӊ путёвказы, а даштыкы чурттарже – 17, 3 мун путевка. Россия иштинге аян-чорук путевкаларыныӊ ортумак өртээ – 40,2 муӊ рубль, даштыкы чурттарныы 179,7 муӊ рубль болган.
Р.Демчик белеткээн.