Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
26 сентября, пн

Дола берген бюллетеньнерни канчалдыр шыгжап турарыл?

11 сентября 2022
1

Ооң мурнунда чаңгыс хүн соңгуур турда, соңгукчуларның долдуруп каан бюллетеньнерин соңгулда участоктарының хагдынганының соон дарый санап эгелээр турган. Ам соңгулдалар 3 хүн дургузунда болуп эртер апарганда, оларны адак сөөлүнде санаарынга седир кадагалап шыгжаары негеттинип келген. Дола берген бюллетеньнерни канчалдыр шыгжап турарын республиканың Соңгулда комиссиязы тайылбырлаан.

«Үш хүн болуп эртер соңгулдалар үезинде соңгукчуларның долдуруп кааны бюллетеньнерни сейф-хаптарга кадагалап шыгжаар. Сейф-хаптар боттары элээн каш чадалыг камгалалдыг. Оларны база сейфтерге шыгжаар, азы соңгукчуларывыстың үннерин берген бюллетеньнер санаарынга чедир шыңгыызы-биле шыгжаттынган болур» - деп, Тыва Республиканың Соңгулда комиссиязының даргазы Орлан Дандар тайылбырлаан.

Соңгулда хүнң доозулган соонда хааржак бүрүзүнден долуруп каан бюллетеньнерни сейф-хаптарже киир сугар. Бо эрткен 2 хүн дургузунда шак ол ажылды соңгулда участоктары хагдынганының соонда 2 удаа боттандырганы бо. Сейф-хапче бюллетеньнерни ажыы-биле, хайгааракчылар көрүп турда сугар. Хапты дуглай таңмалаан черге участоктуң соңгулда комиссиязының шиитпир хүлээп алыр үн бээр эргелиг кежигүннери аттарын салып шынзыдар ужурлуг, а ук участоктуң чөвүлежир үн бээр эргелиг хайгааракчылары биле кежигүннери күзээр болза, база аттарын салып шынзыктырып болур. Хап бүрүзүнге акт тургускаш, бюллетеньнер-биле кады таңмалап, шыгжаттынар. Участоктуң соңгулда комиссиязының хайгааракчылары биле шупту кежигүннери ооң хоолгазын алыр эргелиг.

Хап бүрүзү тускай дугаарлаттынган боор болгаш хоойлу хажыдып, ажыдарындан каш чадалыг камгалалдыг болур. Бус азы өске-даа химиктиг бүдүмелдер-ибле адырып шыдавас чыпшынчак лента-биле хапты дуй чыпшырып каан болур. Ол лентаны анаа адыра тыртыптар болза, ооҢ кыры үрели бээр болгаш лента чыпшырып каан турган черге «Хап ажыттынган» деп бижик тыптып келир.

Дуй таңмалап, чыпшырып каан сейф-хаптарны участок комиссиязыныҢ оран-савазында сейфтерге азы тускай дериттинген черлерге шыгжаар. Сейф-хаптар шыгжаттынган черлер видеохайгаарал камераларыныҢ хаара тудуп турар девискээринде турар болур. Хаптарны чүгле бо хүн, сентябрь 11-де, 20.00 шак соонда, үннер санап эгелээриниҢ бетинде ажыдар ужурлуг.

Бистиң корр.