Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Донбассче Тывадан шериглер аъттаныпкан

19 июля 2022
3

Украинада тускай шериг операциязынга киржири-биле Тывадан шериг албанныгларның ээлчеглиг бөлүүн Кызыл хоорайның аэропортундан дүүн, июль 19-та, үдээн. Шак бо дайынчылар бо хүннерге чедир Донбасста шериг хүлээлгезин эрттирип турар эштери-биле ээлчег солчуп, оларга дыштаныр үени бээр.

Тываның Баштыңы Владислав Ховалыг социал четкилерге бодунуң сагыш-сеткили-биле үлешкен:

«Донбассче бистиң шериг оолдарывыстың ээлчеглиг бөлүүн үдеп аъткардывыс. Олар тускай операцияның эгезинден тура ында дайылдажып турар оолдарны солууру-биле бар чыдарлары ол. Кайнаар, чүү дээш бар чыдарын эки медереп билип тура, ынаар чоруур деп шиитпир хүлээп алган болганда, оларның кижи бүрүзү бистиң хүндүткеливиске төлептиг. Шериг оолдарывыс боттарының албан-хүлээлгезин күүседир болгаш дайынчы хөделиишкиннерде киржип турар эштерин дыштандырар изиг күзел-биле долдунган. Бис бодувус өмүнээвистен чүрээвис ханызындан олар дээш сагыш човап, тиилелгени чедип алгаш, бүдүн-бүрүн, каң кадык ээп чанып келири дээш бүгү чүүлдү кылыр бис».

55-ки тускай мотоадыгжы бригаданың дыңнатканы-биле, тускай операцияже бо чоруткан шериг хүлээлгелиг оолдар керээ езугаар албан-хүлээлгезин күүседип турар шериглер болуп турар, олар дайынчы хөделиишкиннер девискээринче бир дугаар аъттанып турар.

Бистиң корр.

М. Сааяның тырттырган чуруу