Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Эр мөзү.

24 июля 2022
9

Эр кижиниң күзел чедип,

Эртер оруу ажык эвес –

Чалым үнер, дожаң кырлаар,

Чалбыыш ѳттүр шургуп үнер…

(Б. Казырыкпай.)

Шак ындыг эр кижиге Борис Казырыкпай хамааржыр. Амыдыралдың бергелеринге ол торулбаан. Ажы-тѳлүнүң авазы чок апаарга, ада орнунга ада болуп, ие орнунга ие болуп, уруг-дарыының хей-аъдын кѳдүрүп, ѳскүссүретпейн, алды ажы-тѳлүн бут кырынга тургузуп, эртем-билигге чедирип каан кончуг шыдамык ада. Ёзулуг эр мѳзү-бүдүштүг башкының, чогаалчының, эртемденниң ниитилелге арттырып каан изи кажан-даа балаттынмас. Тываның чогаалчылар эвилелиниң кежигүнү Борис Оюулуевич бо хүннерге чедир чурттап чораан болза, июль 22-де 65 харлаар юбилейин байырлап эрттирип турар ийик бис.

Тывага эр кижилерниң мѳзү-бүдүжү арай кошкап, ниитилелге ролю кѳскүзү-биле кудулап турар үеде «Эр чолду» деп номну школачы оолдарның элээди назы-харынга дүүштүр 2001 чылда Борис Казырыкпай чырыкче үндүрген. Адаларның ажы-тѳл кижизидилгезинге киржилгези сулараанын, оолдарынга үлегер-чижек болуп шыдавайн чоруур адаларның барын эскерип, элээди оолдарның мѳзү-шынар кижизидилгезинче хѳй-ниитиниң кичээнгейин углавас болза, байдал дүвүренчиг-дир деп чүвени чогаалчы башкы билгеш, улусчу чаңчылдарны суртаалдап, чоннуң хей-аъдын кѳдүрген.

Борис Казырыкпай ажыл-үүлениң улуун бүдүрүп кагза-даа, бодун кажан-даа ѳрү кѳрдүнмес, ат-алдарын херекке албас, алызындан чогаадыкчы салым-чаяанныг бѳдүүн ада, башкы, чогаалчы, очулдурукчу, критик, чогаал шинчилекчизи чораан.

Борис Казырыкпайның уран-чечен шүлүктери, очулгалары, чаагай угаадыглары кижилерге ѳѳредиг, чагыг-сүме, суртаал болуп артар.

/ Зоя Донгак,

Тываның, Россияның

Чогаалчылар эвилелдериниң кежигүнү.