Төрээн Тывавыс Республика хүнүн, малчыннарның байырлалы Наадым–2023-тү болгаш Тыва Республикада парламентаризм хүнүн июнь 12-ден эгелеп демдеглеп эгелээн. Бо кайгамчык байырлалдар-биле Тыва Республиканың Дээди Хуралының (парламентизиниң) өмүнээзинден силер бүгүдеге байыр чедирип олур мен!
Амыр-чыргалдыг, омак-сергек чурттап чоруурувус ие Тывавыс – Россияның онза булуңнарының бирээзи. Ынчалза-даа ол хөй нация чоннар, бүгү деңнелдиң удуртукчуларының болгаш депутаттарының талазындан бодунга оваарымчалыг кичээнгейни негеп турар. Ону шуптувус медереп билип турар болгаш, моон-даа соңгааргы хөгжүлдеже хөөн кирген ажылдап турар бис. Ынчангаш республикада социал-экономиктиг болгаш культурлуг улуг өскерлиишкиннерниң бар болуп турары ол.
Чедиишкиннерни кысказы-биле санап, адаары болдунмас. Кылган хөй-хөй ажылдар каракка көскү. Ооң түңнелинде бөгүн Тыва бодунуң хөгжүлдезиниң алдарлыг оруун уламчылап турар деп дидим чугаалап болур бис.
Чараш байырлалдар бүдүүзүнде силерге тайбың амыдыралды, аас-кежикти, кадыкшылды, менди-чаагай чорукту күзедим! Төрээн Тывавыс улам-на сайзырап, мандып, бодунуң чедиишкиннери-биле бисти хүн бүрү өөртүп чорзун!
Хүндүткел-биле,
ТР-ниң Дээди Хуралының (парламентизиниң) Даргазы К. ДАВАА.
"Шын" №60, 2023 чылдың август 12